 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
بہتر ٹینس کےلیے بہترنظام ضروری | ||||||||||||||||||||||||||||||||||||||||
پاکستان میں ٹینس کے سٹار کھلاڑی اعصام الحق کا کہنا ہے کہ پاکستان میں ٹینس کی ترقی کے لیے نظام کو بہترکرنا ضروری ہے۔جس کے لیےکھلاڑیوں کو سہولتیں اور انعام دیے جائیں جن کے سبب وہ محنت کریں۔ دوسری صورت میں ٹینس کا معیار مزید گر سکتا ہے۔ اس سال ومبلڈن اوپن میں شرکت کے بعد اعصام الحق متعدد ٹورنامنٹس کھیل کر چند دن کے لیے پاکستان آئے تھے اور ہفتے کے روز یو ایس اوپن کا کوالیفائنگ راؤنڈ کھیلنے کے لیے امریکہ روانہ ہو گئے۔ روانگی سے پہلے بی بی سی کے ساتھ ایک خصوصی بات چیت میں اعصام الحق نے بتایا کہ ومبلڈن کے لیے کوالیفائی کرنا ان کی زندگی کا ناقابل فراموش لمحہ تھا اور اس خوشی کو وہ لفظوں میں بیان نہیں کر سکتے۔ انہوں نے کہا کہ انہیں آٹھ سال لگے ومبلڈن کے مین راؤنڈ کے لیے کوالیفائی کرنے میں۔ ان کی یہ بہت بڑی خواہش تھی اور آخر یہ خواہش پوری ہوئی۔ ومبلڈن کے لیے کوالیفائی راؤنڈ کھیلنے سے پہلے اعصام کی سنگلز میں عالمی رینکنگ 315 تھی اور ومبلڈن کے لیے کوالیفائی کرنے کے بعد ان کی رینکنگ 200 ہوگئی۔ اس کے بعد انہوں نے لگاتار تین اے ٹی پی چیلنجرز ٹورنامنٹ کھیلے جن میں انہوں نے اپنے بھارتی ساتھی روہن بھوپانہ کے ساتھ مل کر ڈبلز مقابلے جیتے۔
اعصام الحق نے بتایا کہ یوایس میں انہوں نے ہال آف فیم نامی ٹورنامنٹ کے لیے کوالیفائی کیا اور علمی نمبر 25 مارڈی فش کو شکست دی جو بہت بڑی کامیابی تھی۔ اعصام الحق نے بتایا کہ ان سب ٹورنامنٹس کو جیتنے کے بعد ان کی عالمی رینکنگ مزید بہتر ہوئی اور وہ سنگلز میں 154 نمبر پر آ گئے۔ اعصام الحق کا کہنا ہے کہ انہیں امید ہے کہ اس سال کے آخر تک وہ عالمی رینکنگ میں پہلے سو کھلاڑیوں میں آنے کا اپنا ہدف حاصل کرنے میں کامیاب ہو جائیں گے۔ ایک طرف اعصام الحق ٹینس کے پیشہ ور سرکٹ میں کامیابیاں حاصل کر رہے ہیں اور دوسری جانب پاکستان میں مجموعی طور پر ٹینس کا گراف گر رہا ہے پاکستان نے دو سال پہلے ڈیوس کپ مقابلوں میں ورلڈ گروپ کے لیے کوالیفائی کر لیا تھا اب حالات یہ ہیں کہ کمزور ٹیم پیسفک اوشیانہ سے ہار کر تیسرے گروپ میں چلا گیا۔ اعصام الحق کا کہنا ہے کہ یہ کافی افسوسناک صورتحال ہے۔انہوں نے کہا کہ وہ گزشتہ دو ڈیوس کپ ٹائی نہیں کھیل سکے ایک میں ان کی ذاتی مصروفیات تھیں اور دوسری مرتبہ انہوں نے محسوس کیا کہ پاکستان ٹینس فیڈریشن والے انہیں مناسب عزت نہیں دے رہے جو ایک کھلاری کو ملنی چاہیے۔
انہوں نے کہا کہ ٹینس فیڈریشن کا خیال تھا کہ پیسفک اوشینا کی ٹیم بہت کمزور ہے اور وہ اعصام کے بغیر ہی یہ ٹائی جیت جائیں گے لیکن پاکستانی ٹیم یہ ٹائی بھی نہ جیت سکی جس کے سبب پاکستان کافی عرصے کے بعد تیسرے گروپ میں چلا گیا۔ انہوں نے کہا کہ ہمیشہ صرف ایک کھلاڑی پر انحصار تو نہیں کیا جا سکتا۔ اعصام الحق نے کہا کہ وہ تو ملک کی خدمت کر رہے ہیں اوران کی خواہش ہے کہ جیسے کرکٹ کے بڑے کھلاڑیوں کے سبب بچے کرکٹ کی طرف آتے ہیں اسی طرح وہ بچوں کے لیے رول ماڈل بنیں اور وہ ٹینس کی طرف بھی آئیں۔ اعصام نے کہا کہ وہ تو ملک کا نام روشن کرنے کی کوشش کر رہے ہیں لیکن کچھ لوگ ان کو بدنام کر رہے ہیں کہ اعصام نے پیسے کی وجہ سے ملک کے لیے ڈیوس کپ میں شرکت نہیں کی جو کہ ایک الزام ہے۔ |  اسی بارے میں  ڈیوس کپ: پاکستان کی فتح27 September, 2004 | کھیل ڈیوس کپ، پاکستان کی برتری 05 March, 2005 | کھیل اسلامک گیمز سے ٹیم کی واپسی22 April, 2005 | کھیل ٹینس:پاکستان اور تھائی لینڈ برابر04 March, 2005 | کھیل ٹینس ریکٹ چند ہاتھوں میں02 September, 2004 | کھیل پاک بھارت ٹینس سیریز ہر سال09 November, 2006 | کھیل پاکستان کے کھلاڑی اور کلے کورٹ06 May, 2005 | کھیل ڈیوس کپ کا لاہور میں آغاز29 April, 2005 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
اعصام الحق کا کہنا ہے کہ انہیں امید ہے کہ اس سال کے آخر تک وہ عالمی رینکنگ میں پہلے سو کھلاڑیوں میں آنے کا اپنا ہدف حاصل کرنے میں کامیاب ہو جائیں گے
