ٹریسکوتھوک کی غیر موجودگی میں اینڈریو سٹراس اور جوئس نے اننگز کا آغاز کیا۔

پاکستان نے ٹاس جیت کر پہلے کھیلتے ہوئے مقررہ پچاس اووروں میں 235 بنا کر انگلینڈ کو جیتنے کے لیئے 236 رنز کا ٹارکٹ دیا تھا۔انگلینڈ نے مطلوبہ سکور چھیالیس اوورز اور دو گیندوں پر حاصل کر لیا۔

تفیصلی سکور کارڈ

انگلینڈ کی طرف سے این بیل نے ناقابلِ شکست چھیاسی رنز بنائے اور انہیں مین آف دی میچ قرار دیا گیا۔ کیون پیٹرسن نے اکتالیس رنز بنائے اور ناٹ آؤٹ رہے۔

انگلینڈ کی پہلی وکٹ اس وقت گری جب ایڈ جائس محمد آصف کی گیند پر وکٹ کیپر کے ہاتھوں کیچ ہوئے۔ انگلینڈ کی طرف سے آؤٹ ہونے والے دوسرے کھلاڑی کپتان اینڈریو سٹراس تھے جو اٹھہتر رنز بنا کر محمد حفیظ کی گیند پر بولڈ ہوئے۔

اس سے قبل پاکستان نےمقررہ پچاس اوورز میں آٹھ وکٹوں کے نقصان پر 235 رنز بنائے۔ پاکستان کی طرف سے سب سے زیادہ سکور عبدالرزاق نے کیا جنہوں نے پانچ چھکوں اور پانچ چوکوں کی مدد سے 75 رنز بنائے۔ ان کی دھواں دار بیٹنگ سے پہلے انضمام الحق نے سینتالیس رنز بنا کر پاکستان کی رنز بنانے کح شرح کو بہتر کیا۔

پاکستان کے آخری آؤٹ ہونے والے کھلاڑی شعیب اختر تھے جنہوں نے دس رنز بنائے۔ ان سے پہلے کامران اکمل پہلی سلپ میں اینڈریو سٹراس کے ہاتھوں یارڈی کی گیند پر آؤٹ ہو گئے تھے۔

انضمام الحق کو ڈیلرمپل نے اپنی ہی گیند پر کیچ آؤٹ کیا۔ اضمام نے سینتالیس رنز بنائے۔ ان سے پہلےشعیب ملک یارڈی کی گیند پرصفر پر آؤٹ ہوئے۔

رزاق اور انصمام کے بعد محمد یوسف پاکستان کی طرف سے تیسرا بڑا سکور کیا۔ وہ انتیس رنز بنا کر یارڈی کی گیند پر بولڈ ہوئے۔

اس سے قبل اوپنر شاہد آفریدی دو چوکوں کی مدد سے تئیس رن بنانے کے بعد ساجد محمود کی گیند پر ایل بی ڈبلیو آؤٹ ہوئے تھے۔

پاکستان کی طرف سے انگز کا آغاز شاہد آفریدی اور محمد حفیظ نے کیا تھا۔ محمد حفیظ دو چوکوں کی مدد سے آٹھ رن بنانے کے بعد گیارہ کے مجموعی سکور پر آؤٹ ہوئے۔انہیں جان لوئس کی بالنگ پر سٹراس نے سلپ میں کیچ کیا۔

پاکستان کے دوسرے آؤٹ ہونے والے کھلاڑی یونس خان تھے جنہوں نے گزشتہ میچ میں شاندار سینچی بنائی تھی۔ وہ بھی جان لوئس کی گیند پر تیسری سلپ میں کالنگوڈ کے ہاتھوں کیچ آؤٹ ہوئے۔

اس سے قبل انضمام الحق نے ٹاس جیت کر پہلے بیٹنگ کرنے کا فیصلہ کیا ہے۔

پانچ میچوں کی اس سیریز میں پاکستان کو تین میچوں کے بعد دو صفر کی برتری حاصل ہے جس کا مطلب یہ ہے کہ آج اگر پاکستان میچ جیت جاتا ہے تو وہ سیریز جیت جائے گا۔

انگلینڈ نے اپنی ٹیم میں دو تبدیلیاں کی ہیں۔ اوپنر ٹریسکوتھک کی جگہ ایڈ جوئس کو کھلایا گا رہا ہے جبکہ رکی کلارک کی جگہ آل راؤنڈر مائیکل یارڈی کھیل رہے ہیں۔

پہلا میچ بارش کی وجہ سے برابری پر ختم کر دیا گیا تھا جبکہ دوسرے میچ میں پاکستان نے انگلینڈ کو ہرا دیا تھا۔

ٹیسٹ میچوں کی سیریز کے برعکس پاکستانی ٹیم نے ایک روزہ اور ٹونٹی ٹونٹی انٹرنیشنل میچوں میں عمدہ بولنگ کر کے انگلینڈ کی ٹیم کو دباؤ میں رکھا ہے۔

پاکستان کی ٹیم: انضمام الحق، شیعب ملک، محمد حفیظ، یونس خان، محمد یوسف، عبد الرزاق، شاہد آفریدی، کامران اکمل، رانا نوید الحسن، شعیب اختر، محمد آصف۔

انگلینڈ کی ٹیم۔ اینڈریو سٹراس، ایڈ جائس،این بیل، کیون پیٹرسن، پال کولنگوڈ، جیمی ڈارلیمپل، مائکل یارڈی، کرس ریڈ، جان لیوئس، سٹوراٹ براڈ اور ساجد محمود۔