شاہد آفریدی دھواں دار بیٹنگ کر رہے ہیں۔

محمد حفیظ نے پاکستان کی جانب سب سے زیادہ سکور بنایا اور چھیالیس رنز بنا کر رن آؤٹ ہو گئے۔

شاہد آفریدی اور عبد الرزاق نے دھواں دار بیٹنگ کر کے پاکستان کی جیت کو آسان بنا دیا۔ شاہد آفریدی نے صرف دس گیندوں کا سامنا کیا اور پانچ چوکوں اور ایک چھکے کی مدد سے اٹھائیس رنز بنائے۔ عبد الرزاق سات گیندوں پر چار چوکوں کی مدد سےسترہ رنز بنائے۔

آؤٹ والے کھلاڑیوں میں شعیب ملک نے سولہ رنز، یونس خان، صفر، شاہد آفریدی اٹھائیس، محمد یوسف نے بیس، اور محمد حفیظ نے چھیالیس رنز بنائے۔

تفصیلی سکور کارڈ

اس سے پہلے انگلینڈ نے ٹاس جیت کر پہلے بیٹنگ کرنے کا فیصلہ کیا اور اس کی ٹیم نے مقررہ بیس اوروں میں سات وکٹوں کے نقصان پر ایک سو چوالیس رنز بنائے۔انگلینڈ کی جانب سے مارکس ٹریسکوتھک نے عمدہ نصف سینچری بنائی۔

اانگلینڈ کی پہلی وکٹ چھتیس رنز پر گری جب این بیل شیعب اختر کی گیند پر آؤٹ ہو گئے۔

شعیب اختر جو چھ ماہ کے بعد کرکٹ میں واپس آئے ہیں چار اوروں میں اکتیس رنز دے کر ایک وکٹ حاصل کی ہے۔

محمد آصف نے ایک مرتبہ پھر عمدہ بولنگ کا مظاہرہ کیا اور ٹونٹی ٹونٹی انٹرنیشنل میچ کا پہلا میڈن اوور پھینکا۔ محمد آصف نے کیون پیٹرسن اور اینڈریو سٹراس کو بغیر کوئی رنز بنائے آؤٹ کر دیا۔

رانا نوید الحسن نے پال کولنگوڈ کو آؤٹ کر کےانگلینڈ کی پانچویں وکٹ گرا دی۔ عبد الرزاق انگلینڈ کی تین وکٹیں حاصل کیں۔

پاکستان اور انگلینڈ کی کرکٹ ٹیموں کے درمیان بیس اوررز کا یہ میچ پانچ ون ڈے میچوں کی سیریز سے پہلے کھیلا جا رہا ہے جیسے کہ انگلینڈ اور سری لنکا کی کرکٹ ٹیموں کے درمیان پانچ ایک روزہ سیریز سے پہلے کھیلا گیا تھا۔

انگلینڈ کی ٹیم میں ڈیرن اور آل راؤنڈر رکی کلارک واپس آئے ہیں جبکہ دو نئے چہروں سٹارٹ بورڈ اور مائیکل یارڈی کو موقع دیا گیا ہے۔

انگلینڈ کی ٹیم: اینڈریو سٹراس (کپتان)، این بیل، کلارک، کولنگ وڈ، کک، ڈارلیمپل، ڈیرن، ہرمیسن، جوکی، لوئس، ساجد محمود، پیٹرسن، ریڈ، ٹریسکوتھک اور یارڈی۔

پاکستان ٹیم:

انضمام الحق (کپتان)، یونس خان، محمد یوسف، شیعب ملک، محمد حفیظ، شاہد یوسف، شاہد آفریدی، عبدالرزاق، کامران اکمل، عمران فرحت، شعیب اختر، رانا نوید، راؤ افتخار، محمد آصف، عمر گل اور دانش کنیریا۔