 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
یوکرین فاتح، سپین بھی جیت گیا | ||||||||||||||||||||||||||||||||||||||||
پیر کو ہونے والے تیسرے اور آخری میچ سپین نے تیونس کو ایک کے مقابلے میں تین گول سے شکست دے دی۔ سپین نے تینوں گول کھیل کے دوسرے ہاف میں کیئے۔ سپین کا تیسرا گول میچ کے آخری منٹ میں فرنیندو ٹیرس نے ایک پینالٹی کک پر کیا۔ اس سے قبل بھی انہوں نے سپین کی طرف سے دوسرا گول کیا تھا۔ اس طرح وہ اس ٹورنامنٹ میں سب سے زیادہ یعنی تین گول کرنے والے کھلاڑی بن گئے ہیں۔ اس سے پہلے میچ کے آٹھوین منٹ میں تیونس کے جواہر مناری نے گول کر کے مبصرین کو حیران کر دیا تھا۔ پہلے ہاف کے اختتام پر تیونس کو سپین پر ایک گول کی برتری حاصل تھی۔ تاہم میچ کے بہترویں منٹ میں سپین نے مقابلہ برابر کر دیا جبکہ چھہتروین منٹ میں سپین نے تیونس کے خلاف دوسرا گول بھی کر دیا۔ دوسرے ہاف میں سپین کی ٹیم میچ پر چھائی رہی اور اس نے تیونس کے گول پر کئی حملے کیئے۔ نوے منٹ کے کھیل کے بعد جب میچ ضائع ہوجانے والے منٹوں کے ازالے کے لیئے کھیلا جا رہا تھا، سپین نے پینالٹی کک پر تیسرا گول بھی کر دیا۔ اس سے پہلے یوکرین اور سعودی عرب کے درمیان ہونے والے عالمی فٹبال کے پہلے راؤنڈ کے میچ میں یوکرین نے عمدہ کھیل کا مظاہرہ کر کے سعودی عرب کو چار گول سے شکست دے دی۔ دو گول میچ کے پہلے ہاف میں ہوئے جبکہ باقی دو کھیل کے دوسرے ہاف میں کیئے گئے۔ یوکرین کی طرف سے میچ کا پہلا گول کھیل کے چوتھے منٹ میں ہوا جب روسل نے گول کیا۔ دوسرا گول کھیل کے چھتیسویں منٹ میں ریبراؤ نے کیا۔ میچ کا تیسرا گول کھیل کے چھیالیسویں منٹ میں شیوچنکو جبکہ چوتھا گول چوراسیویں منٹ میں کلینیچنکو نے کیا۔ سعودی عرب کی ٹیم: زید، دوخی، تکار، المنتشری، سلیمانی، الغامدی، نور، خریری، عزیز، التمیت، القحطانی۔ یوکرین کی ٹیم: آندرے شیوچنکو، شووکووسکی، نیسمچنی، یزرسکی، روسال، شیلائیو، ریبراؤ، کلینیچنکو، ٹائموسچک، گوسیو، ورونن۔ سویٹزرلینڈ بمقابلہ ٹوگو
اس سے قبل سویٹزرلینڈ اور ٹوگو کے درمیان پہلے راؤنڈ کے گروپ جی کے میچ میں سویٹزرلینڈ نے ٹوگو کو دو صفر سے شکست دے دی تھی۔ سویٹزرلینڈ کی طرف سے میچ کا پہلا گول اے فرے نے کھیل شروع ہونے کے بعد سترہویں منٹ میں کیا جبکہ دوسرا گول کھیل کے دوسرے ہاف کے اٹھایسیویں منٹ میں بارنیٹا نے کیا۔ اب سویٹزرلینڈ گروپ جی میں پہلے نمبر پر ہے اور اسے اگلے گروپ میں جانے کے لیئے صرف کوریا کے خلاف اگلا میچ ڈرا کرنے کی ضرورت ہے۔ میچ کے دوران ٹوگو کے تین کھلاڑیوں کو پیلا کارڈ دکھایا گیا جبکہ سویٹزرلینڈ کے ایک کھلاڑی کو پیلا کارڈ ملا۔ ٹوگو کی ٹیم: کے اگاسا، ڈی نیبومبے، ایم ٹیچانگی، اے تورے، کے آگبوہ، ٹی دوسیوی، ایم شیروف تورے، اے روماؤ، آر فورسن، ای ادیبے بیور، کے محمد۔ سویٹزرلینڈ کی ٹیم: پی زوبربوہلر، پی ملر، پی ڈیگن، پی سینڈیروس، ایل میگنن، ٹی بارنیٹا، جے ووگل، آر وکی، آر کاباناس، اے فرے، ڈی گائگاس۔ | 
اسی بارے میں  برازیل فاتح، فرانس کوریا برابر18 June, 2006 | کھیل پرتگال، گھانا فاتح امریکہ اٹلی برابر 17 June, 2006 | کھیل ارجنٹائن،ہالینڈ فاتح، انگولا برابر16 June, 2006 | کھیل انگلینڈ،ایکواڈور اور سویڈن کی فتح15 June, 2006 | کھیل جرمنی کی سنسنی خیز فتح 14 June, 2006 | کھیل برازیل اور کوریا فاتح، فرانس برابر13 June, 2006 | کھیل اٹلی،آسٹریلیا،چیک جمہوریہ فاتح12 June, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
