 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
جرمنی کی سنسنی خیز فتح | ||||||||||||||||||||||||||||||||||||||||
فٹ بال عالمی کپ کے چھٹے دن کا تیسرا میچ میزبان ملک جرمنی اور پولینڈ کے درمیان جاری مقابلہ میچ کے اختتام سے محض ایک منٹ پہلے، ایک گول سے جرمنی کی فتح میں تبدیل ہو گیا۔ جرمنی کے جانب سے یہ فیصلہ کن گول متبادل فارورڈ اولیور نول نے کیا۔ گروپ اے کے پہلے میچ میں ایکواڈور کے ہاتھوں شکست کے بعد پولینڈ کے لیئے اس میچ میں فتح حاصل کرنا نہایت ضروری تھا۔ اس سے قبل دوسرے میچ میں سعودی عرب اور تیونس کا مقابلہ دو، دوگول سے برابر رہا۔ میچ کا پہلا گول تیونس کی جانب سے الجزیری نے کھیل کے چوبیسویں منٹ میں کیا۔ تیونس کی یہ برتری پہلے ہاف کے خاتمے تک قائم رہی۔
دوسرے ہاف کے آغاز میں ہی سعودی عرب کے القحطانی نےگول کر کے اس سبقت کا خاتمہ کر دیا۔ کھیل کے چوراسیویں منٹ میں سعودی کپتان الجابر نےگول کر کے سعودی عرب کو برتری دلوا دی جو زیادہ دیر تک قائم نہ رہ سکی اضافی وقت میں تیونس کے الجیدی نےگول کے سعودی فتح کے امکانات ختم کر دیئے۔ پہلے میچ میں سپین نے یوکرین کو ایک یکطرفہ مقابلے کے بعد چار گول سے ہراد یا۔ یوکرین کی ٹیم کوئی گول نہ کر سکی۔ سپین کے کھلاڑیوں کے میچ کی ابتداء سے ہی مخالف کھلاڑیوں پر دباؤ برقرار رکھا اور پہلے ہاف کے تیرہویں منٹ میں ہی زابی الانزو نے گول کر کے سپین کو برتری دلا دی۔ الانزو کے گول کے چار منٹ بعد ہی ڈیوڈ ولا نے فری کک پر گول کر کے سپین کی برتری دگنی کر دی۔ پہلے ہاف کے خاتمے پر سپین کو یوکرین پر دوگول کی برتری حاصل تھی۔
دوسرے ہاف کے آغاز میں ہی ڈی میں ہسپانوی سٹرائیکر کوگرانے پر ریفری نے یوکرین کے واشچک کو ریڈ کارڈ دکھایا اور سپین کو ایک پینلٹی کک ملی جس پر ڈیوڈ ولا نے سپین کا تیسرا گول کر دیا۔ سپین کی جانب سے چوتھا گول ٹاریس نے کھیل کے اسّی ویں منٹ میں کیا۔ یہ میچ لپزگ کے زنٹرال سٹیڈیم میں کھیلا گیا اور میچ کو دیکھنے کے لیئے اڑتیس ہزار افراد موجود تھے۔ سعودی عرب کی ٹیم: زید،دوخی،تکار،المنتشری، سلیمانی، الغامدی، نور، خریری، عزیز، التمیت، القحطانی، تیونس کی ٹیم: بومنیجل،ہگوئی، طرابلسی، جیدی، جمالی، امناری،بوازیزی، چیڈلی، نموچی، جزیری،چخاوئی، سپین کی ٹیم: کیسیلس،پرنیا، پیول، سرگیو راموس، پابلو، زاوی، الانزو، سینا، لوئی گارسیا، ولا، راؤول، ٹاریس یوکرین کی ٹیم: آندرے شیوچنکو، شووکووسکی، نیسمچنی، یزرسکی، روسال، واشچک، ٹائموسچک، گوسیو، گوسن، روٹان، ورونن۔ |  اسی بارے میں  کلکتہ والے برازیل کے حمایتی کیوں؟13 June, 2006 | کھیل برازیل اور کوریا فاتح، فرانس برابر13 June, 2006 | کھیل جرمن ٹیم میں بالاک کی واپسی12 June, 2006 | کھیل اٹلی،آسٹریلیا،چیک جمہوریہ فاتح12 June, 2006 | کھیل انگلینڈ کے رونی فِٹ ہیں12 June, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
