قمر احمد لندن

	فاسٹ بالر شعیب اختر نے پاکستان میں انگلینڈ کے خلاف کھیلتے ہوئے سترہ وکٹیں لے کر سیریز جیتنے میں پاکستان کی مدد کی تھی

شعیب اختر کا امتحان: دو میچ

اس نیلام گھر سے ان گھوڑوں کو عام طور پر فرانسیسی قصاب خرید لے جاتے ہیں اور فرانس میں ان کا گوشت بیچتے ہیں۔

دوسرے ملکوں میں گائے اور بکری کے گوشت یعنی بیف اور مٹن کی طرح فرانس میں گھوڑے کا گوشت بہت پسندیدہ اور مرغوب ہے۔

یہ تو تھا ریس کا معاملہ، جس کے ظالمانہ طریقے کی مثال کسی اور سپورٹس میں نہیں ملتی۔

دوسرے کھیلوں، کرکٹ اور فٹ بال کے علاوہ ایتھلیٹ کے مختلف شعبوں میں بازؤں، ٹانگوں یا پٹھوں اور جوڑوں میں تکلیف شروع ہو جائے تو اس کے سوا کوئی راستہ نہیں رہتا کہ تکلیف کا شکار ہونے والا کھیل کو خیرباد کہہ دے۔

اگر یہ فیصلہ تکلیف کا شکار ہونے والا خود نہیں کرتا تو اس کے سوا کوئی چارہ نہیں ہوتا کہ اسے ٹیم میں شامل نہ کیا جائے۔

پاکستان کے فاسٹ بالر شعیب اختر آج کل اسی دور سے گزر رہے ہیں۔

پاکستان میں انگلینڈ کے خلاف کھیلتے ہوئے انہوں نے سترہ وکٹیں لے کر سیریز جیتنے میں پاکستان کی مدد کی تھی لیکن اس کے بعد گھٹنے کی تکلیف کے باعث وہ جنوری سے لے کر اب تک میچ نہیں کھیل سکے۔

چاند ماہ قبل آسٹریلیا میں ان کے گھٹنوں کا آپریشن بھی ہوا لیکن اب وہ ٹخنوں کی تکلیف میں مبتلا ہیں اور انہیں آرام کرنے کے لیے کہا گیا ہے۔

پاکستان کی ٹیم انگلینڈ کے دورے پر آ رہی ہے ۔ لیکن کیا وہ اس ٹیم میں شامل ہوں گے؟ یہ سوال اس وقت ہر ایک کی زبان پر ہے۔ اگر وہ اس قابل ہوئے کہ ڈھائی ماہ تک جاری رہنے والے دورے کے دوران فٹ رہ سکیں تو یہ پاکستانی ٹیم کے لیے ایک بڑا بونس ہوگا۔

	سپنر ثقلین مشتاق جو گھٹنوں ہی کی تکلیف اور آپریشن کے بعد نہ تو پاکستانی ٹیم میں رہے اور نہ ہی سرے کاؤنٹی میں

انگلینڈ کے کپتان مائیکل وان بھی اس تکلیف میں مبتلا ہیں اور گزشتہ نومبر سے ٹیسٹ نہیں کھیل سکے ہیں۔

پاکستان کے سپنر ثقلین مشتاق بھی گھٹنوں ہی کی تکلیف اور آپریشن کے بعد نہ تو پاکستانی ٹیم میں رہے اور نہ ہی سرے کاؤنٹی میں۔

نیوزی لینڈ کے دو کامیاب بلے باز، مارٹن کرو اور مارک گریٹ بیچ کا کیریئر بھی گھٹنوں ہی کے آپریشن کے بعد ختم ہوا۔

انگلینڈ کے دو فاسٹ بالروں نیل فاسٹر اور جوناتھن ایگینو کو بھی گھٹنوں ہی کے آپریشن نے کرکٹ چھوڑنے پر مجبور کیا۔ایگینو اب بی بی سی کے کمنٹیٹر ہیں۔

جنوبی افریقہ کے سابق کپتان شون پولک کے والد پیٹر پولک بھی گھٹنے ہی کی تکلیف کے بعد فاسٹ بالنگ جاری نہیں رکھ سکے تھے۔

اور ہاں! دنیا کے دو بڑے بیٹسمین حنیف محمد اور سر گارفیلڈ سوبرس بھی گھٹنے کا آپریشن کرنے کے بعد ہمیشہ تکلیف ہی میں مبتلا رہے۔

دیکھنا یہ ہے کہ شعیب اختر گھٹنوں کے آپریشن کے بعد بالنگ کریں گے اور کریں گے تو کیا اپنی اسی رفتار کو برقرار رکھ سکیں گے جس کی وجہ سے وہ جانے جاتے ہیں۔

دنیا کے ایک اور مایہ ناز بیٹسمین سچن ٹنڈولکر کی مثال ہمارے سامنے ہے۔ انہوں نے کاندھوں کے جوڑ کا آپریشن کرایا ہے لیکن اب تک کشمکش میں مبتلا ہیں۔