اویس شاہ دوسری اننگز میں اڑتیس رن بنا سکے

انڈیا کی جانب سے وسیم جعفر اور عرفان پٹھان نے دوسری اننگز کا آغاز کیا تھا مگر عرفان پٹھان صرف چھ رن بنا کر جیمز اینڈرسن کی گیند پر بولڈ ہوگئے۔ جب کھیل ختم ہوا تو وسیم جعفر چار جبکہ نائٹ واچ مین انیل کمبلے آٹھ رن پر ناٹ آؤٹ تھے۔

تفصیلی سکور کارڈ کیلیئے کلک کریں

کھیل کے چوتھے دن انگلینڈ کی ٹیم اپنی دوسری اننگز میں 191 رن بنا کر آؤٹ ہو گئی اور اس طرح اسے انڈیا پر 312 رن کی مجموعی برتری حاصل ہوئی تھی۔

انگلینڈ کی جانب سے کپتان اینڈریو فلنٹاف نے نصف سنچری بنائی۔ وہ پچاس رن بنا کر کمبلے کی گیند پر سٹمپ ہوئے۔ انگلینڈ کے آؤٹ ہونے والے آخری کھلاڑی جیمز اینڈرسن تھے جو انیل کمبلے کا چوتھا شکار بنے۔

انڈیا کی جانب سے انیل کمبلے نے چار، ہربھجن سنگھ نے دو جبکہ مناف پٹیل، عرفان پٹھان اور سریسانتھ نے ایک، ایک وکٹ حاصل کی۔

چوتھے دن انگلینڈ کی جانب سے اویس شاہ اور نائٹ واچ مین شان یوڈل نے انتیس رن دو کھلاڑی آؤٹ پراننگز دوبارہ شروع کی تھی۔ ان دونوں بلے بازوں نے ٹیم کے سکور میں مزید بتیس رن کا اضافہ کیا۔ جب انگلینڈ کا سکور 61 پر پہنچا تو شان یوڈل باون گیندوں پر چودہ رن بنا کر عرفان پٹھان کی گیند پر وسیم جعفر کے ہاتھوں کیچ ہوگئے۔ کیون پیٹرسن بھی زیاد دیر کریز پر نہ ٹھہر سکے اور صرف سات رن بنا کرانیل کمبلے کی گیند پر خود انہیں ہی کیچ دے بیٹھے۔

	شاہ اور یوڈل کی شراکت میں 40 رن بنے

انگلینڈ کے آوٹ ہونے والے دیگر کھلاڑیوں میں میتھیو ہوگارڈ کو کمبلے نے ایل بی ڈبلیو کیا۔گیرئنٹ صرف تین رن بنا سکے۔انہیں ہربھجن سنگھ نے آؤٹ کیا۔ پال کالنگ وڈ تینتیس رن بنا کر ہربھجن سنگھ ہی کی گیند پر کیچ ہوئے۔اویس شاہ نےاڑتیس رن بنائے۔ وہ لنچ کے بعد پہلے ہی اوور میں رن آؤٹ ہوئے۔

اس سے قبل انڈین ٹیم تیسرے دن چائے کے وقفے کے بعد دو سو اناسی رن بنا کر آؤٹ ہوگئی تھی اور اس طرح انگلینڈ کو انڈیا پر ایک سو اکیس رن کی برتری حاصل ہوئی تھی۔ انگلینڈ کی جانب سے جیمز اینڈرسن چار وکٹیں لے کر نمایاں بالر رہے تھے۔

بھارت کی ٹیم: وسیم جعفر، وریندر سہواگ، راہول ڈراوِڈ (کپتان)، سچن تندولکر، یووراج سنگھ، ایم ایس دھونی (وکٹ کیپر)، عرفان پٹھان، ہربھجن سنگھ، انیل کمبلے، سریسناتھ، مناف پٹیل۔

انگلینڈ کی ٹیم: ایئن بیل، اینڈریو سٹراس، اویس شاہ، کیون پیٹرسن، پال کالنِگ وُڈ، اینڈریو فلنٹاف (کپتان)، گیرئنٹ جونز (وکٹ کیپر)، شان یوڈل، میتھیو ہوگارڈ، جیمز اینڈرسن، مونٹی پنیسر۔