وولمر کی کوچنگ میں پاکستان نے انگلینڈ اور بھارت کے خلاف ٹیسٹ سیریز جیتی

وولمر نے، جو انگلینڈ کی طرف سے ماضی میں ٹیسٹ کرکٹ کھیل چکے ہیں، وزڈن کرکٹرمیگزین کو ایک انٹرویو میں کہا کہ بھارت کو ٹیسٹ سیریز میں ہرانے کے لیے تیز رفتار بالنگ بہترین ہتھیار ہے۔ انہوں نے کہا کہ بھارتی کھلاڑی سپن بالنگ کا سامنا کسی بھی اور ٹیم سے زیادہ اچھا کرتے ہیں۔

بھارت کی کمزوریاں  سچن تندولکر تیزی سے اندر آتی ہوئی گیند کھیلنے میں مشکل محسوس کرتے ہیں، سہواگ اننگز کے آغاز پر موقع فراہم کرتے ہیں جن کا فائدہے اٹھایا جانا چاہیے اور راہول ڈراوڈ نئی بال کا سامنا مشکل سے کرتے ہیں باب وولمر

انگلینڈ کی ٹیم گزشتہ ہفتے بھارت پہنچی تھی۔ وہ اپنے دورے کا پہلا ٹیسٹ میچ یکم مارچ سے ناگپور میں کھیلے گی۔ اس سے قبل وہ دو فرسٹ کلاس میچ کھیلے گی۔

باب وولمر نے کہا کہ بھارت میں پِچیں انیل کمبلے اور ہربھجن سنگھ کی ٹیم میں موجودگی کو سامنے رکھتے ہوئے بنائی جائیں گی۔

انہوں نے کہا کہ انگلینڈ کو ناگپور ٹیسٹ میں شکست سے بچنا ہوگا تاکہ جب وہ موہالی میں کھیلیں جہاں ان کے جیتنے کا سب سے زیادہ امکان ہے تو وہ سیریز میں برابری پر ہوں اور اس کے بعد ممبئی میں سب سے مشکل ٹیسٹ میچ کو کسی طرح بچا کر سیریز جیت جائیں۔

وولمر نے کہا کہ بھارت کے چھ اہم بلے بازوں میں ایسی کمزوریاں ہیں جن کا فائدہ اٹھایا جا سکتا ہے۔ انہوں نے کہا کہ سچن تندولکر تیزی سے اندر آتی ہوئی گیند کھیلنے میں مشکل محسوس کرتے ہیں، سہواگ اننگز کے آغاز پر موقع فراہم کرتے ہیں جن کا فائدہ ہے اٹھایا جانا چاہیے اور راہول ڈراوڈ نئی بال کا سامنا مشکل سے کرتے ہیں۔ انہوں نے کہا کہ ڈراوڈ آف سٹمپ پر پھینکی گئی گیند کو جسم سےدور کھیلتے ہیں اور ان کے وکٹ کیپر کے ہاتھوں کیچ آؤٹ ہونے کا امکان رہتا ہے۔