 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
فیلڈنگ کوچ کی ضرورت نہیں | ||||||||||||||||||||||||||||||||||||||||
کپتان انضمام الحق نے پاکستانی کرکٹ ٹیم کے لیے فیلڈنگ کوچ کی تقرری کی مخالفت کی ہے اور کہا ہے کہ ٹیم کو فیلڈنگ کوچ کی ضرورت نہیں۔ انضمام الحق نے یہ بات ایسے وقت کہی ہے جب پاکستان کرکٹ بورڈ نے سنیچر کو اپنے اجلاس میں ٹیم کی ناقص فیلڈنگ کارکردگی بہتر بنانے کے لیے غیرملکی فیلڈنگ کوچ کی خدمات حاصل کرنے کا فیصلہ کیا ہے اور اس ضمن میں وہ جنوبی افریقہ کے سابق ٹیسٹ کرکٹر جونٹی رہوڈز سے رابطہ کرنے والا ہے۔ انضمام الحق نے ایک ٹی وی چینل کو انٹرویو میں کہا کہ یہ کھلاڑیوں پر منحصر ہے کہ وہ فیلڈنگ بہتر کرنے پر کتنی توجہ دیتے ہیں انہیں کیمپ میں اور نیٹ پر بتایا جاتا ہے لیکن انہیں خود گھنٹوں اس کی پریکٹس کرنی ہوگی۔ اگر فیلڈنگ پر توجہ نہیں دی گئی تو پھر تین سو کا سکور بھی محفوظ نہیں ہے۔ انضمام الحق کا کہنا ہےکہ کراچی کے ون ڈے میں رن آؤٹ کے چانس ضائع کیے گئے اور کیچز کے مواقع بھی گنوائے گئے۔ اس سیریز میں فیلڈنگ کا معیار بہت ہی پست رہا۔ پاکستانی کپتان کہتے ہیں کہ ٹیسٹ سیریز جیتنے کے بعد ون ڈے سیریز میں شکست سے انہیں مایوسی ہوئی ہے لیکن یہ کرکٹ کا حصہ ہے۔ انضمام الحق نے ایک بار پھر اس تاثر کو غلط قرار دیا کہ ٹاس ہارنے کے سبب انہیں چاروں میچز میں شکست ہوئی ان کا کہنا ہے کہ کراچی میں تین چار وکٹیں بیٹسمینوں کی غلطی کے سبب گریں اس کے باوجود ٹیم 286 کا معقول سکور کرنے میں کامیاب ہوئی۔ |  اسی بارے میں  ہسپتال کا قیام، انضمام کا خواب 12 February, 2006 | کھیل ’فیلڈ آبشٹرکشن‘ اپیل پر نئی بحث11 February, 2006 | کھیل ’انضمام کےفیصلے سے حیران ہوں‘11 February, 2006 | کھیل ’انضمام کے خلاف اپیل ٹھیک تھی‘09 February, 2006 | کھیل ’میرے خلاف اپیل منفی رویہ تھا‘08 February, 2006 | کھیل انضمام اور کامران بہترین کھلاڑی31 January, 2006 | کھیل بھارت کا پلہ بھاری ہے: انضمام الحق01 January, 2006 | کھیل ’ابھی بہت کام کرنا ہے‘19 December, 2005 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
