پیٹرسن اور بیل نے شاندار کھیل پیش کیا اور سنچریاں بنائیں

فیصل آباد میچ کے تیسرے روز کھیل ختم ہونے پر انگلینڈ نے پاکستان کے 462 رن کے جواب میں سات وکٹوں کے نقصان پر 391 رنز بنائے ہیں۔انگلینڈ کو پاکستان کا سکور کو برابر کرنے کے لیے 71 رنز کی مزید ضرورت ہے۔

تفصیلی سکور کارڈ

تیسرے روز پاکستان کے بولر صرف چار کھلاڑی آؤٹ کر سکے۔پاکستان کے فیلڈروں نے کئی یقینی کیچ ڈراپ کیے ۔

کھیل کی مزید خبروں کے لیے کلک کریں

آخری آؤٹ ہونے والے کھلاڑی گیرنٹ جونز تھے جو نصف سینچری مکمل کر شاہد آفریدی کی گیند پر آؤٹ ہو گئے ۔ اس وقت ایشلے جائلز 23 رنز بنا کر کھیل رہے ہیں۔شان یوڈال نے چھ رنز بنائے ہیں۔

کیون پیٹرسن نے ایک شاندار چھکے کے ساتھ اپنی سینچری مکمل کی لیکن اگلی ہی گیند پر محمد یوسف کے ہاتھوں آؤٹ ہو گئے۔

اینڈریو فلنٹاف صرف ایک رنز بنا کر شعیب اختر کی گینڈ پر کلین بولڈ ہو گئے۔

	پیٹرسن اور این بیل نے انگلینڈ کو مشکلات سے نکالا

میچ کے تیسرے انگلینڈ کے پہلے آؤٹ ہونے والے کھلاڑی پیٹرسن تھے جو سو رنز بنا کر آؤٹ شعیب اختر کی گیند پر محمد یوسف کے ہاتھوں کیچ آؤٹ ہوئے۔

پیٹرسن کی خوش قسمتی نے ان کا ساتھ دیا اور شاہد آفریدی کی گیند پر دانش کنیریا نے دو دفعہ کیچ چھوڑ دیا۔

این بیل دوسری جانب ذمہ داری کے ساتھ بیٹنگ کرتے رہے اور میچ میں انگلینڈ کی طرف سے دوسری سینچری مکمل کی۔ این بیل 115 کے انفرادی سکور پر شاہد آفریدی کی گیند پر وکٹ کیپر کامران اکمل کے ہاتھوں آؤٹ ہو گئے ۔

اس سے پہلے پیر کے روز اینڈریو سٹراس، مائیکل وان اور ٹریسکوتھک آؤٹ ہو گئے تھے۔

انگلینڈ کا سکور ابھی تک پاکستان کے 462 رنز سے 71رنز کم ہے اور اس کی تین وکٹیں باقی ہیں۔
پاکستان کی ٹیم
انضمام الحق، سلمان بٹ، شعیب ملک، محمد یوسف، یونس خان، دانش کنیریا، محمد سمیع، شعیب اختر، کامران اکمل، رانا نوید الحسن اور شاہد آفریدی۔

انگلینڈ کی ٹیم
مائیکل وان، مارکس ٹریسکوتھک، این بیل، اینڈریو سٹراس، اینڈریو فلنٹاف، کیون پیٹرسن، ایشلے جائلز، گرائنٹ جونز، سٹیو ہارمیسن، میتھیو ہوگارڈ اور شان اڈل۔