تقریباً دو لاکھ مبصرین انتخابی عمل پر نظر رکھے ہوئے ہیں

ان دونوں سیاسی جماعتوں نے اپنی انتخابی مہم میں مہنگائی کم کرنے، کرپشن اور دہشت گردی کو ختم کرنے کے انتخابی وعدے کیئے ہیں۔

فوجی کی زیر نگرانی قائم حکومت نے کہا ہے کہ اس نے ملک کی تاریخ میں پرامن اور شفاف انتخابات کے انعقاد کے لیے تمام ضروری اقدامات کیے تھے۔ انتخابات سے قبل ایک کروڑ دس لاکھ جعلی ووٹ فہرستوں سے خارج کیے گئے تھے۔ ووٹروں کی کل تعداد آٹھ کروڑ دس لاکھ ہے۔

حکومت نے کہا کہ اس نے انتخابات کو پرامن اور شفاف طریقے سے کرانے کے لیے چھ لاکھ پولیس اہلکار اور ہزاروں کی تعداد میں فوجی تعینات کیئے تھے۔

ہفتے کی رات کو اپنی نشری تقاریر میں شیخ حسینہ واجد اور خالد ضیاء نے محاذ آرائی، ہڑتالوں اور پرتشدد جلوسوں اور جلسوں کی سیاست کو ختم کرنے کا عہد کیا۔ بنگلہ دیش میں جمہوریت ایک عرصے تک محاذ آرائی اور پرتشدد سیاست کا شکار رہی ہے۔

سن دو ہزار چھ سے قبل پندرہ برسوں میں یہ دونوں رہنما یک بعد دیگرے اقتدار میں رہی ہیں۔ ماہرین کے مطابق ان انتخابات میں کسی جماعت کو واضح برترتی حاصل نہیں ہوگی۔

بنگہ دیش میں جنوری سن دو ہزار سات میں الیکشن منعقد ہونا تھے لیکن کئی ماہ کے پر تشدد مظاہروں کے بعد فوج نے ایک نگران حکومت قائم کرکے انتخابات ملتوی کر دیئے۔