بنگلہ دیش میں پچھلے سال تشدد کی وجہ سے انتخابات کو ملتوی کر دیا گیا تھا

گزشتہ سال جنوری میں سیاسی تشدد اور تعطل کو توڑنے کے لیے عبوری حکومت نے فوج کی سہارے اقتدار سنبھالا تھا اور اب یہ پہلا موقع ہے کہ چار شہروں کی کارپوریشنوں اور نو میونسپلٹیوں کے الیکشن کرائے جائیں گے۔

اس دوران میں دونوں بڑی سیاسی پارٹیوں کی رہنماء اور دو سو کے قریب سیاسی اور تجارتی لیڈر زیر حراست ہیں۔ عبوری حکومت کا کہنا ہے کہ یہ گرفتاریاں رشوت خوری کو کم کرنے کے لیے کی گئی ہیں۔

بنگلہ دیش کی دونوں بڑی سیاسی جماعتوں نے بلدیاتی انتخابات کو تنقید کانشانہ بنایا ہے۔ سیاسی جماعتوں کا موقف ہے کہ ملک میں عام انتخابات سے پہلے بلدیاتی انتخابات کرانا آئین کی خلاف ورزی ہے۔

عام انتخابات کو پچھلے سال کرانا جانا تھا لیکن عبوری حکومت جسے فوج کی پشت پناہی حاصل ہے، نے ملک میں تشدد کی وجہ سے انتخابات کو ملتوی کر دیا تھا ۔ پروگرام عام انتخابات دسمبر دو ہزار آٹھ میں منعقد کرائے جائیں گے۔

عوامی لیگ نے کہا کہ عبوری حکومت کے تحت آزادانہ اور منصافانہ انتخابات ممکن ہی نہیں ہے۔