’مناسب پناہ گاہوں کی فراہمی کے لیے جلد منصوبہ بندی کرنا ہو گی‘

صدر سمندری طوفان سے بنگلہ دیش میں تین ہزار پانچ سو افراد مارے گئے تھے جبکہ لاکھوں بےگھر ہوئے تھے۔ اس طوفان سے ہزاروں دیہات متاثر ہوئے تھے اور پانی اور بجلی کی فراہمی کا نظام درہم برہم ہوگیا تھا۔

بنگلہ دیش میں تنظیم کے سربراہ ہیدر بلیک ویل کا کہنا ہے کہ’ تیرہ لاکھ سے زائد افراد نامناسب پناہ گاہوں میں مون سون کا سامنا کریں گے۔ ایک بار قدرت کے قہر کا شکار ہونے کے بعد جلد ہی انہیں اس کا دوبارہ سامنا کرنا پڑ سکتا ہے‘۔

انہوں نے کہا کہ’یہ بہت ضروری ہے کہ بنگلہ دیشی حکومت اور اقوامِ متحدہ سمیت عالمی برادری ان افراد کو مناسب پناہ فراہم کرنے کے لیے کوئی منصوببہ بندی کرے‘۔

آکسفیم کے مطابق اب تک اس نے بنگلہ دیش کے پانچ متاثرہ ترین اضلاع میں موجود ایک لاکھ ترانوے ہزار افراد کی مدد کے لیے سات ملین ڈالر خرچ کیے ہیں۔