انتخابی مہم کے دوران ایک سیاسی کارکن

ملک کی دو بڑی سیاسی جماعتوں نے ایمرجنسی ختم کرنے کا مطالبہ کیا تھا۔ صدر اعجاز الدین احم نے اسی ہفتے ایمرجنسی کے خاتمے کے حکم نامے پر دستخط کیے ہیں۔

عام انتخابات کے لیے خالدہ ضیاء کی بنگلہ دیش نیشنلِسٹ پارٹی اور شیخ حسینہ کی عوام لیگ نے گزشتہ جمعرات سے انتخابی مہم شروع کردی ہے۔

خالدہ ضیاء اور شیخ حسینہ دونوں ہی ملک کی وزیر اعظم رہ چکی ہیں، دونوں پر کرپشن کا الزام ہے اور حال ہی میں دونوں کو حکومت کے ساتھ ایک سمجھوتے کےتحت جیل سے رہا کیا گیا ہے تاکہ وہ انتخابات میں حصہ لے سکیں۔

بنگلہ دیش میں انتخابی اصلاحات کے تنازعے پر پیدا ہونے والے تشدد کی وجہ سے دسمبر دو ہزار سات میں ایمرجنسی نافذ کردی گئی تھی۔

انسپکٹر جنرل آف پولیس نور محمد نے فرانسیسی خبر رساں ادارے اے ایف پی کو بتایا: ’منگل کی نصف شب کے بعد کوئی ایمرجنسی نہیں ہوگی۔‘

اس سے قبل منگل کے روز بنگلہ دیش نے اپنا یومِ آزادی منایا۔

بنگلہ دیش کے انتخابی کمِشنر شوکت حسین نے کہا ہے کہ انتیس دسمبر کے انتخابات کے لیے پینتیس ہزار انتخابی مراکز پر لگ بھگ تین لاکھ سکیورٹی اہلکار تعینات کیے جارہے ہیں۔