اسامہ بن لادن پاکستان کے شمال مغربی علاقے میں کہیں روپوش ہیں: ہیڈن

جمعرات کو اٹلانٹک کونسل سے خطاب کرتے ہوئے سی آئی اے کے ڈائریکٹر نے کہا کہ ’اگر ان کے ملک پر کوئی بڑا حملہ ہوا تو اس میں القاعدہ کا ہاتھ ہو گا۔‘

سی آئی اے کے ڈائریکٹر مائیکل ہیڈن نے کہا کہ سعودی شدت پسند شاید پاکستان کے شمال مغربی قبائلی علاقے میں کہیں روپوش ہیں۔

’حقیقت میں، ایسا لگتا ہے کہ وہ جس تنظیم کے سربراہ ہیں اس کے معمول کے آپریشنوں سے وہ زیادہ تر علیحدہ ہی رہتے ہیں۔‘

ہیڈن نے کہا کہ بن لادن اپنی بقا کے لیے بہت زیادہ کوشش کر رہے ہیں اور ان کی گرفتاری امریکہ کی اولین ترجیح ہے۔

	ابھی بھی امریکہ کو سب سے بڑا خطرہ القاعدہ سے ہے

’ان (اسامہ) کی موت اور گرفتاری کا ان کے ماننے والوں پر بہت اثر ہو گا، القاعدہ کے سرگرم کارکنوں اور پوری دنیا کے شدت پسندوں پر چاہے وہ اس کے کارکن نہ بھی ہوں۔‘

تاہم انہوں نے خبردار کیا کہ القاعدہ افریقہ اور مشرقِ وسطیٰ میں ابھی بھی پھیل رہی ہے۔

سی آئی اے کے مطابق فلپائن، سعودی عرب، انڈونیشیا اور عراق میں القاعدہ کی کارروائیوں کو روکنے میں کامیابی ہوئی ہے۔