امریکی جنگی جہاز امدای کمک لے کر پہنچا ہے

بتومی کی بندرگاہ سے شمال میں واقع پوٹی کی بندرگاہ اب بھی روسی فوج کے قبضے میں ہے گو کہ روس نے جورجیا کے دیگر حصوں سے اپنی بیشتر فوج کو واپس بلا لیا ہے۔

فرانس کے صدر نکولا سرکوزی جنہوں نے روس اور جورجیا کے درمیان معاہدہ کرانے میں اہم کردار ادا کیا تھا پوٹی کی بندرگاہ سے بھی روسی فوجوں کو واپس بلانے کا مطالبہ کر رہے ہیں۔

دریں اثناء گوری شہر کے قریب ایندھین لیجانے والی ایک ٹرین بارودی سرنگ کے پھٹنے سے تباہ ہو گئی۔

جائے حادثہ سے دھوئیں کے سیاح بادل اٹھتے ہوئے دیکھے گئے جب کہ عینی شاہدوں کے مطابق دھماکے کی شدت کو وجہ سے کئی دوسری ٹرینیوں کی بوگیاں الٹ گئیں۔

جورجیا کے وزیر داخلہ شوتا اوتیشوالی کا کہنا ہے کہ جورجیا کے ایک فوجی اڈے سے کئی زور دار دھماکوں کی آوازیں سنی گئی ہیں۔ اس فوجی اڈے کو روسی فوج نے خالی کرتے ہوئے گولہ بارود کا ایک ذخیرہ چھوڑا تھا جو انہوں نے جورجیا کی فوجوں سے چھینا تھا۔

جورجیا کہ حکام نے جوگوری سے ہجرت کرنے والے ہزاروں لوگوں کو اپنے گھروں کو لوٹنے میں مدد کر رہے ہیں اتوار کو علاقے میں بارودی سرنگیں صاف کرنے کا ایک آپریشن کیا۔

جورجیا کے وزیر اعظم لاڈو گرجنادزی نے کہا کہ آگ بجھ جانے کے بعد نقصان کا اندازہ کیا جائے گا۔

انہوں نے کہ ریلوے جورجیا کی معیشت بلکہ خطے کے دوسرے ملکوں کی معیشت کے لیے بھی ضروری ہے۔

جورجیا کے دارالحکومت تبلیسی سے ریل کی پٹڑی گزرتی ہے جو آگے چل کر تین مختلف سمتوں میں چلی جاتی ہے۔ ایک طرف دو پٹڑیاں بحیرہ اسود کی بندگاہوں پوٹی اور بتومی کی طرف چلی جاتی ہیں جبکہ جنوبی مغرب کی طرف جانے والی شاخ جورجیا کو ترکی سے ملاتی ہے۔

بارودی سرنگ سے ٹکرا کر تباہ ہونے والی ایک ٹرین پر آذربائجان کی ایک کمپنی از پٹرول کا نام لکھا ہوا تھا۔