گوانتانامو جیل میں دو سو ستر قیدی ہیں

انہوں نے کہا کہ گوانتانامو میں ستر ایسے قیدی ہیں جنہیں امریکہ واپس بھیجنا چاہتا ہے لیکن ان میں سے کچھ کے ملک ان کی واپسی نہیں چاہتے یا ان پر اس معاملے میں اعتبار نہیں کیا جا سکتا۔

انسانی حقوق کے لیے کام کرنے والی تنظیمیں ایک عرصے سے اس جیل کو بند کرنے کا مطالبہ کر رہی ہیں۔ ان کا کہنا ہے کہ یہ جیل عالمی قواعد و ضوابط پورے نہیں کرتا۔

کھو جانے والی  انہوں نے جو کچھ بھی کہا ہے اس سے دنیا کی نظروں میں امریکہ کی جو ساکھ متاثر ہوئی اس کا ازالہ نہیں ہو سکتا ڈیموکریٹک سینیٹر

پینٹاگون کا کہنا ہے کہ چھتیس ایسے لوگوں کے بارے میں، جنہیں گوانتانامو سے چھوڑا جا چکا ہے، وثوق سے یہ کہا جا سکتا یا ان پر کم سے کم شک کیا جاتا ہے وہ دوبارہ ’دہشت گردی‘ کی کارروائیوں میں ملوث ہو چکے ہیں۔

ڈیموکریٹک پارٹی کے سینیٹر ڈائی این فینسٹائن نے وزیر دفاع سے مخاطب ہو کر کہا کہ انہوں نے جو کچھ بھی کہا ہے اس سے دنیا کی نظروں میں امریکہ کی جو ساکھ متاثر ہوئی اس کا ازالہ نہیں ہو سکتا۔ انہوں نے کہا کہ کہا جا رہا ہے کہ ہم دوغلے ہیں، ہمارے دو قوانین ہیں، کسی کے لیے قوانین ہیں جبکہ کسی کے لیے کوئی قانون نہیں۔