نامہ نگاروں کے مطابق مصر کی مدد سے امن کے قیام کی جو امید نظر آ رہی تھی وہ کم ہو گئی ہے

مارے جانے والوں میں رائیٹرز کا ایک کیمرہ مین بھی شامل ہے۔ اسرائیل نے فوجی کارروائی کی تصدیق کرتے ہوئے کہا ہے کہ انہوں نے مسلح افراد کو نشانہ بنایا تھا۔ اقوام متحدہ کے سیکرٹری جنرل بن کی مون نے لڑائی کی شدت پر تشویش کا اظہار کرتے ہوئے فریقین سے تحمل کی اپیل کی ہے۔

اسرائیلی فوج کے تین سپاہی ہلاک

	رائٹرز کے کیمرہ کی جولائی دو ہزار سات میں لی گئی ایک تصویر

اسرائیلی فوج کے مطابق یہ بات ذہن میں رکھنی چاہیے کہ جہاں کیمرہ مین ہلاک ہوئے وہ انتہائی خطرناک علاقہ ہے اور وہاں لڑائی ہو رہی ہے۔

بی بی سی کے دفاعی امور کے نامہ نگار نے کہا کہ یہ کہنا مشکل ہے کہ اسرائیلی فوجیوں کی ہلاکتیں حماس کی طرف سے زیادہ مننظم کارروائیوں کا نتیجہ ہیں یا علاقے میں بڑھتی ہوئی اسرائیلی موجودگی کا۔

ایک اسرائیلی گروپ کی تحقیق کی مطابق جس کے اسرائیل کی دفاعی انتظامیہ سے قریبی تعلقات ہیں حماس اپنی تاریخ میں اب تک کی سب سے زیادہ عسکری تیاریاں کر رہا ہے۔ کچھ اسرائیلی جرنیلوں کا کہنا ہے کہ حماس کو روکنے کے لیے ایک بڑی فوجی کارروائی ناگزیر ہو جائے گی۔