امریکی وزیر خارجہ کونڈو لیزارائس ان دنوں مشرق وسطی کے دورے پر ہیں ۔

میگزین نے الزام لگایا ہے کہ اسی وجہ سے حماس تنظیم، فتح اور فلسطینی صدر محمود عباس کے خلاف ہو گئے تھے۔امریکی سٹیٹ ڈیپارٹمنٹ نے اس مضمون کوغلط قرار دیتے ہوئے کو مسترد کر ریا ہے۔

امریکی وزیر خارجہ کونڈو لیزارائس ان دنوں مشرق وسطیٰ کے دورے پر ہیں اور کوشش کر رہی ہیں کہ فلسطینی صدر اور اسرائیلیوں کو بات چیت کے لیے آمادہ کرسکیں۔ فلسطینی صدر محمود عباس نے چند روز پہلے یہ بات چیت غزہ میں اسرائیلی فوج کی کارروائی کے بعد احتجاج کے طور پر ختم کر دی تھی۔

میگزین کا دعویٰ ہے کہ تقریبًا ایک اعشاریہ دو سات بلین ڈالر بجٹ کے پانچ سالہ منصوبے کو بروئے کار لایا گیا تاکہ سن دو ہزار چھ میں ہونے والے انتخابات کے نتیجے کو بدلہ جا سکے جس کے نتیجے میں انتہا پسند تنظیم حماس کو برسر اقتدار آنا تھا۔

اس منصوبے کا مقصد بظاہر نسبتًا معتدل تنظیم فتح کو اسلحے اورپیسوں کے لحاظ سے تقویت دینا تھا۔کیونکہ امریکی کانگریس نے فتح کو کو تقویت دینے کے لیے ایک بڑے فنڈ کی فراہمی سے انکار کر دیا تھا۔ میگزین نے دعویٰ کیا ہے کہ بش انتظامیہ نے اپنے حمایتی عرب ممالک کو فلسطینی تنظیم فتح کی امداد کے لیے استعمال کرنے کی کوشش کی۔

غزا میں فلسطینی حکام تک ہتھیار پہنچانے کے لیے مصر کی سرزمین کو بھی استعمال کیا گیا۔

مضمون میں یہ دعویٰ بھی کیا گیا ہے کہ غزہ میں حماس نے فتح کی طرف سے ممکنہ ایکشن کو روکنے کے لیے کارروائی کی تھی۔ لیکن امریکی وزارت خارجہ کے ترجمان کا کہنا ہے کہ اس طرح کا کوئی خفیہ منصوبہ نہیں بنایا گیا تھا۔اور یہ بات کسی سے پوشیدہ نہیں کہ امریکی حکومت نے فلسطینی حکومت کی سکیورٹی سروسز میں اصلاحات کے لیے مدد فراہم کی تھی۔

مضمون میں یہ نتیجہ نکالا گیا ہے کہ زیادہ تر لوگ اس بات سے متفق ہوں گے کہ بش انتظامیہ کی مشرق وسطیٰ میں فلسطینی صدر محمود عباس سے مذاکرات کرنےاور حماس کے ساتھ کوئی تعلق نہ رکھنے کی حکمت عملی اب تک ناکام رہی ہے۔