غزہ میں اسرائیلی حملے میں سات فلسطینی ہلاک ہو گئے ہیں

اسرائیل کے طیاروں نےپیر کی رات اور منگل کی صبح کو غزہ کی پٹی میں متعدد حملے کیے۔ اسرائیلی طیاروں نے فلسطینی تنظیم اسلامک جہاد کے کارکنوں کو نشانہ بنایا۔ ہلاک ہونے والوں میں اسلامک جہاد کے ایک سینئر کمانڈر بھی شامل ہیں۔

اسرائیلی فضائیہ نےغزہ کی پٹی پر حملہ فجر کی نماز کے وقت کیا اور اسلامک جہاد کے کمانڈر کواس وقت ہلاک کیا گیا جب وہ فجر کی نماز ادا کر کے مسجد سے باہر آ رہے تھے۔

اطلاعات کےمطابق پچھلے ایک ہفتے میں فلسطینی علاقے سے اسرائیل میں راکٹ داغنے کے واقعات میں اضافہ ہوا ہے اور ان حملوں میں بارہ اسرائیلی شہری ہلاک ہو چکے ہیں۔

اسرائیل نے فضائی حملے ایک ایسے وقت شروع کیے ہیں جب فلسطینی صدر محمود عباس کو فلسطینی ریاست کے لیے امداد اکٹھی کرنے میں خاصی کامیابی ہو رہی ہے۔ پیرس میں ہونے والی فلسطین امدادی کانفرنس میں سات ارب ڈالر امداد کے وعدے کیے گئے ہیں۔