ایرانی صدر 2001 کے حملوں میں ہلاک ہونے والوں کو خراجِ عقیدت پیش کرنا چاہتے ہیں

ایرانی صدر اقوامِ متحدہ کی سلامتی کونسل سے خطاب کرنے کے لیے اتوار کو نیو یارک پہنچیں گے۔

نیویارک پولیس کے ترجمان کے مطابق ورلڈ ٹریڈ سینٹر کا مقام تعمیراتی کام کی وجہ سے لوگوں کے لیے بند ہے۔انہوں نے کہا کہ گراؤنڈ زیرو کے دورے کی ایرانی صدر کی درخواست سکیورٹی کے پیشِ نظر مسترد کی گئی ہے۔

نیویارک پولیس کے ڈپٹی کمشنر پال براؤن نے بتایا کہ گراؤنڈ زیرو کا دورہ کرنے کے لیےایرانی صدر نے محکمہ پولیس، امریکی خفیہ سروسز اور نیو یارک اور نیو جرزسی پورٹ اتھارٹی سےجازت مانگی تھی۔

وائٹ ہاؤس کے ترجمان ورڈن جانڈریو نے نامہ نگاروں سے بات کرتے ہوئے کہا کہ ’یہ بہت عجیب لگتا ہے کہ ایک ایسے ملک کا سربراہ گراؤنڈ زیرو کا دورہ کرنا چاہتا ہے جو دہشت گردی کی حمایت کرتا ہے‘۔

اقوامِ متحدہ میں امریکی سفارت کار زلمے خلیلزاد نے صحافیوں سےکہا کہ امریکہ ایران کوگراؤنڈ زیرو کا استعمال تصاویر کھچوانے کے لیے نہیں کرنے دے گا۔

دوسری جانب ایرانی سفارت خانے کے ترجمان کا کہنا ہے انہیں ابھی بھی امید ہے کہایرانی صدر کی جانب سے 2001 کے حملے کے متاثرین کو خراجِ عقیدت پیش کرنے کا راستہ نکل آئے گا۔

امریکہ اور ایران کے درمیان کشیدگی خاصی بڑھی ہوئی ہے۔ امریکہ کا دعوٰی ہے کہ تہران عراق میں شدت پسندوں کو اسلحہ فراہم کر رہا ہے اور جوہری ہتھیار بنا رہا ہے۔