نیٹو افواج کی کوششوں کے باوجود طالبان کی کارروائیوں میں کمی نہیں آئی ہے

افغانستان کے سب سے زیادہ شورش زدہ صوبہ ہلمند میں افغان سکیورٹی فورسز اور صوبہ میں تعینات نیٹو افواج میں شامل برطانوی فوج کی اِس مشترکہ کارروائی کا مقصد افغان حکومت کا عمل دخل القاعدہ کے اس گڑھ تک پھیلانا ہے۔

مقامی لوگوں نے حکومت کے اِس دعویٰ کی نفی کرتے ہوئے کہا ہے کہ ہلاک ہونے والوں میں سے کئی طالبان کے بجائے عام شہری ہیں۔

تازہ فوجی کارروائی اُس علاقے کے قریب کی گئی ہے جہاں بدھ کے روز نیٹو افواج کا ایک شینوک ہیلی کاپٹر گر کر تباہ ہوگیا تھا اور اِس میں سوار پانچ امریکی عملے کے افراد اور دو مسافر جن میں ایک کا تعلق کینیڈا اور دوسرے کا برطانیہ سے بتایا گیا، ہلاک ہوگئے تھے۔

طالبان نے دعویٰ کیا تھا کہ یہ ہیلی کاپٹر انہوں نے مار گرایا ہے جبکہ نیٹو کے ترجمان نے بھی یہ اقرار کیا کہ ایسا ممکن ہے۔

نیٹو کا کہنا ہے کہ ہیلی کاپٹر کے گرنے کی جگہ بھیجی جانے والی فوجی ٹیم پر گھات لگا کر حملہ کیا گیا اور نتیجتا اس ٹیم کو تباہ شدہ ہیلی کاپٹر تک پہنچنے کے لیے فضائی حملے کی درخواست کرنا پڑی۔

اِسی دوران وزارت داخلہ نے بتایا ہے کہ جنوب مشرقی صوبے زابل میں سکیورٹی فورسز کے ایک قافلے پر گھات لگا کر کیے جانے والے باغی گروپ کے ایک حملے میں سولہ پولیس اہلکار ہلاک اور چھ زخمی ہوگئے ہیں۔

وزارت داخلہ نے یہ بھی بتایا ہے کہ ملک کے مغرب میں طالبان پر کیے جانے والے ایک جوابی حملے میں دس مبینہ طالبان باغی ہلاک ہوگئے ہیں۔

افغانستان میں تعینات غیر ملکی افواج کا کہنا ہے کہ حالیہ مہینوں میں انہوں نے خاصی پیش رفت کی ہے لیکن طالبان کے حملوں کی وجہ سے ان پر مسلسل دباؤ رہا ہے۔