عبدالحئی کاکڑ بی بی سی اردو ڈاٹ کام، پشاور

	پاکستان کی تقریباّ اسّی ہزار فوج افغان سرحد پر تعینات ہے

یہ فوجی اس وقت برف کے نیچے دب گئے تھے جب وہ پشاور سے تقریباً پچھہتر کلومیٹر دور پاک افغان سرحد پر برف پوش پہاڑی علاقے کچکول میں پیدل گشت کر رہے تھے۔ امدادی کارکنوں نے چار فوجیوں کو نکال لیا تھا جبکہ دس ابھی تک لاپتہ ہیں۔

اتحادی افواج نے ایک بیان میں کہا ہے کہ سات مارچ کو حکومت پاکستان نے افغان حکومت اور نیٹو سے درخواست کی تھی کہ وہ افغان سرحد کے اندر ایک کلومیٹر کے علاقے تک پاکستان کی تیس رکنی ٹیم کو ایک کیمپ قائم کرنے کی اجازت دیں تاکہ پھنسے ہوئے فوجیوں کی تلاش کے لیے جائے وقوعہ تک جانے میں آسانی ہو۔

پاکستان، افغانستان اور اتحادی افواج پر مشتمل سہ فریقی کمیشن کا مقصد سرحد کے آر پار ایک دوسرے کی مدد کرنا بھی ہے۔

نیٹو کے بیان میں ان دس فوجیوں کے ہلاک ہونے کا خدشہ ظاہر کیا گیا ہے۔ پاکستانی حکام نے اتحادی افواج کے اس بیان کی تصدیق کی ہے۔

برف کے تودے میں دبے فوجی ابھی تک لاپتہ ہیں اور تودہ مسلسل افغانستان کی طرف پھسل رہا ہے اس لیے امدادی ٹیم کی تلاش وہاں جاری ہے پاکستانی اہلکار

انہوں نے کہا کہ لاپتہ فوجیوں کی تلاش میں کوئی پیش رفت نہیں ہورہی ہے کیونکہ پہاڑ پر اب بھی برفباری کا سلسلہ جاری ہے۔

پاکستان کی تقریباّ اسّی ہزار فوج مشتبہ طالبان، القاعدہ اور ان کے حامیوں کا کھوج لگانے کے لیے افغانستان کی سرحد پر تعینات ہے۔