سکول میں استاذ کا کہنا تھا کہ نقاب کی صورت میں درس و تدریس میں مُشکل ہوتی ہے اس لیے وہ نقاب پہنے کی اجازت نہیں دے سکتے۔

جج کو بتایا گیا تھا کہ اسی سکول میں مذکورہ طالبہ کی دو بہنیں بھی نقاب پہن کر تعلیم حاصل کرچکی ہیں اور انہیں تعلیم حاصل کرنے میں کوئی دشواری نہیں ہوتی تھی۔

لیکن بکمگھم شائر میں سکول کے اساتذہ نے طالبہ سے کہا کہ نقاب کی صورت میں ابلاغ اور تدریس میں مُشکل پیش آئے گی۔

بارہ سالہ طالبہ نے بکنگھم شائر سکول میں نقاب سے پورے چہرے کو ڈھانپنے پر عائد پابندی کو کورٹ میں چیلنج کیا تھا تاہم جج نے سماعت کے بعد مقدمے کو خارج کر دیا۔

لڑکی کے وکیل اور والد کا کہنا ہے کہ نقاب پر پابندی ہر اسلامی اور انسانی حق کی خلاف ورزی ہے۔ وکیل کا کہنا ہے کہ عدالتی فیصلے سے لڑکی اور ان کے خاندان والوں کو ’شدید مایوسی‘ ہوئی ہے۔

اب وکیل اس عدالت کے فیصلے کے خلاف اپیل میں جانا چاہتے ہیں لیکن انہیں اس کے لیے ایک الگ درخواست دائر کرنا ہو گی کیونکہ مذکورہ بالا عدالت نے فیصلے کے خلاف اپیل کی اجازت نہیں دی ہے۔

قانونی وجوہ کی بنا پر سکول اور لڑکی کی شناخت ظاہر نہیں کی گئی ہے۔اس کے علاوہ یہ بھی ہے کہ اب لڑکی کو گھر پر ہی تعلیم حاصل کرنا ہو گی۔کیونکہ سکول کی یونیفارم پر اس تنازعے کے بعد اس کے لیے سکول میں تعلیم حاصل کرنا دشوار ہو گا۔

120 میں سے آدھی حجاب لیتی ہیں  سکول میں تیرہ سو طالب ِعلموں میں ایک سو بیس مُسلمان طالبات ہیں اور ان میں سے آدھی حجاب لیتی ہیں اور سکول میں حجاب لینے پر کوئی پابندی نہیں ہے

جسٹس سیلبر نے اپنے فیصلے میں واضح کیا ہے کہ ان کا فیصلہ صرف اسی ایک معاملے تک محدود ہے اور اس فیصلے کا اس کوئی تعلق نہیں کہ سکولوں یا کہیں اور نقاب پہنے کی اجات ہونا چاہیے یا نہیں۔

ان کاب کہنا ہے کہ نقاب پر پابندی بعض عوامل کے پیش نظر ’متناسب‘ تھی۔

وزیرِ تعلیم انڈرو اڈوئن کا کہنا ہے کہ یونیفارم کے متعلق فیصلہ خُوش آئند ہے اور وہ اسے سراہتے ہیں اور اس سلسلے میں بچوں کے والدین سے مشورہ کرنا چاہیے۔

سکول کے ہیڈ ماسٹر نے کورٹ کے فیصلے کی تائید کی ہے اور کہا ہے کہ اب ہم چاہتے ہیں کہ طالبہ کی حمایت حاصل کریں اور ہمیں اُمید ہے کہ وہ پڑھنے کے لیے واپس سکول لوٹ آئے گی اور پھر سے تعلیم حاصل کرنا شروع کر دے گی۔