سینیٹ میں بحث کروانے کے لیئے ساٹھ ووٹ درکار تھے

رپبلکن ارکان نے سینیٹ میں مطلوبہ تعداد کی حمایت حاصل کر کے اس قرار داد پر تفصیلی بحث رکوا دی جس میں صدر بش سے کہا گیا تھا کہ عراق میں مزید فوج بھیجنے کے بجائے وہاں صورت حال بہتر بنانے کے لیئے دوسرے راستے اختیار کریں۔

اس قرار داد پر بحث شروع کرنے کے لیئے سو اراکین پر مشتمل سینیٹ میں ساٹھ ارکان کی حمایت درکار تھی لیکن اس کے حق میں اننچاس ووٹ اور اس کے خلاف سینتالیس ووٹ ڈالے گئے۔

دریں اثناء صدر بش نے اپنی بجٹ تجاویز میں عراق اور افغانستان میں فوجی کارروائیوں کے لیئے دو سو ارب ڈالر سے زیادہ کی رقم مختص کرنے کو کہا ہے۔

ڈیموکریٹ پارٹی کے ایک سرکردہ سینیٹر ہیری ریڈ کا کہنا ہے کہ امریکی عوام عراق میں امریکی مداخلت بڑہانے کے حق میں نہیں ہیں۔

امریکی سینیٹ نےصدر بش کی طرف سے عراق میں مزید امریکی فوج بھیجنے کے خلاف ایک قرار داد پر بحث شروع کر دی تھی

انہوں نے کہا کہ یہ بجٹ جس میں امریکی عوام کو حاصل طبی سہولیات میں کمی کی جا رہی ہے عام امریکی کی ضروریات کی عکاسی نہیں کرتا۔