کارروائی کے دوران بارہ مقامات کی تلاشی لی گئی

جو تفصیلات سامنے آئی ہیں ان سے معلوم ہوتا ہے کہ منصوبے کا نشانہ مسلمان فوجی برطانیہ میں اپنے گھر میں چھٹیاں گزار رہے ہیں۔اس وقت برطانیہ کی مسلح افواج میں دو سو اڑتالیس مسلمان ہیں۔ مسلح افواج کی کل نفری ایک لاکھ ہے۔

مقامی لوگوں میں غصہ  جن مقامات پر یہ کارروائی کی گئی وہاں لوگوں میں غصہ پایا جاتا ہے کیونکہ ان کا کہنا ہے پہلے بھی اس طرح کی کارروائیاں ہوئی تھیں جن میں کچھ ثابت نہیں ہوا

پولیس نے ان نو افراد کو انسداد دہشت گردی کے قانون کے تحت گرفتار کیا ہے جس کے تحت وہ انہیں اٹھائیس روز تک تحویل میں رکھا جا سکتا ہے۔

مرکز کے سربراہ ایوب پرویز نے کہا کہ قانون توڑنے والوں کو سزا ملنی چاہیے لیکن اس کے ساتھ ہی انہوں نے کہا کہ کسی کا میڈیا ٹرائل بھی نہیں ہونا چاہیے۔

وزیر داخلہ جان ریڈ نے امن کی اپیل کی اور اس کارروائی کو ’میجر آپریشن‘ قرار دیا۔

بی بی سی کے داخلہ امور کے نامہ نگار نے بتایا تھا کہ جن اطلاعات کے بنیاد پر نو افراد کو گرفتار کیا گیا ہے کہ وہ غلط بھی ثابت ہو سکتی ہیں۔

پولیس کی کارروائی کے دوران سپارک ہل، واشوڈ ہیتھ، کنگ سٹینڈنگ اور ایجبسٹن میں بارہ مقامات کو سیل کر دیا گیا ہے جن میں رہائشی اور کاروباری مراکز شامل ہیں۔ اس مقامات میں ’دی مکتب‘ نامی کتابوں کی دکان بھی ہے جہاں پر اطلاعات کے مطابق اسلامی مواد بیچا جاتا ہے۔

بی بی سی کے ایک نامہ نگار نے بتایا کے جن مقامات پر یہ کارروائی کی گئی وہاں لوگوں میں غصہ پایا جاتا ہے کیونکہ ان کا کہنا ہے پہلے بھی اس طرح کی کارروائیاں ہوئی تھیں جن میں کچھ ثابت نہیں ہوا۔

سپارک ہل کہ ثاقب حسین نے بتایا کہ وہ ’مکتب‘ کئی بار جا چکے ہیں لیکن انہیں وہاں کبھی کچھ مشکوک نہیں لگا۔

محمد بابر نے بی بی سی نیوز کو بتایا کہ گرفتار ہونے والوں ان کے ایک کزن بھی شامل ہیں۔ انہوں نے کہا کہ ان کا کزن بے قصور ’اس کے پاس تو جمعہ کی نماز کا بھی وقت نہیں۔