 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
بش کو نینسی پلوسی کی وارننگ | ||||||||||||||||||||||||||||||||||||||||
امریکی ایوان نمائندگان کی نئی سپیکر نینسی پلوسی نے صدر جارج بش کو خبردار کیا ہے کہ اگر وہ عراق میں امریکی فوج کی تعداد بڑھانا چاہتے ہیں تو انہیں اس اقدام کے حوالے سے کانگریس کو مطمئن کرنا پڑے گا۔ ایک امریکی ٹی وی چینل کو انٹرویو دیتے ہوئے ڈیموکریٹک پارٹی سے تعلق رکھنے والی نینسی پلوسی کا کہنا تھا کہ ریپبلیکن پارٹی نے صدر بش کو بغیر کسی نگرانی، شرط اور میعار کے کھلی چھٹی دے رکھی ہے۔ صدر بش آئندہ چند دنوں میں عراق کے بارے میں اپنی نئی حکمت عملی کا اعلان کرنے والے ہیں۔ بعض اطلاعات کے مطابق وہ عراق میں بیس ہزار مزید امریکی فوجی بھیجنا چاہتے ہیں۔ عراق میں امریکی فوجیوں کی موجودہ تعداد ایک لاکھ چالیس ہزار ہے۔
حال ہی میں ہونے والے وسط مدتی انتخابات کے نتیجے میں ڈیموکریٹک پارٹی نے سینٹ اور ایوان نمائندگان پر مشتمل امریکی کانگریس کا گزشتہ بارہ سال میں پہلی مرتبہ کنٹرول سنبھالا ہے۔ تجزیہ کاروں کے مطابق ڈیموکریٹک پارٹی کی قیادت کو پورا ادراک ہے کہ کانگریس میں ان کی اکثریت بش انتظامیہ کی ناکام عراق پالیسی کا نتیجہ ہے۔ چند روز قبل اپنے عہدے کا حلف اٹھانے کے فوراً بعد بھی نینسی پلوسی نے عراق میں مزید فوج بھیجنے کی تجویز کی مخالفت کرتے ہوئے وہاں پہلے سے موجود فوج کے مرحلہ وار انخلاء پر زور دیا تھا۔ |  اسی بارے میں  عراق میں مزید فوج بھیجنے کی مخالفت06 January, 2007 | آس پاس ہلاک شدہ امریکی فوجیوں کا بلاوہ07 January, 2007 | آس پاس امریکی انتظامیہ میں اہم تبدیلیاں05 January, 2007 | آس پاس عراق میں ایک سال میں ریکارڈ ہلاکتیں02 January, 2007 | آس پاس عراق مزید امریکی فوج بھیجنے کا امکان02 January, 2007 | آس پاس عراق: امریکی ہلاکتیں’تین ہزار‘31 December, 2006 | آس پاس قدامت پسندوں کا خواب بکھر گیا24 December, 2006 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
ریپبلیکن پارٹی نے صدر بش کو بغیر کسی نگرانی، شرط اور میعار کے مکمل چھوٹ دے رکھی ہے
