ایسے خطوط فوج کے 5100 افسران کو بھیجے گئے ہیں

ایسے خطوط فوج کے 5100 افسران کو بھیجے گئے ہیں جن کے بارے میں فوج کا خیال تھا کہ یہ فوج چھوڑ کر جاچکے ہیں۔

تاہم ان ناموں میں ایسے 75 فوجیوں کے نام بھی شامل تھے جو ڈیوٹی کے دوران ہلاک ہوچکے ہیں جبکہ فہرست میں شامل دیگر 200 فوجی زخمی ہوگئے تھے۔

عراق پر امریکی جنگ مسلط کیے جانے کے بعد سے اب تک 3000 سے زائد امریکی فوجی ہلاک ہوچکے ہیں۔

امریکی حملے کے بعد سے افغانستان میں بھی کئی فوجی اہلکار مارے جاچکے ہیں۔

فوج کے حکام نے ایک بیان میں کہا ہے کہ اب ان ہلاک شدہ فوجیوں کے ورثاء سے رابطہ کرنے کی کوشش کی جارہی ہے جنہیں غلطی سے ڈیوٹی پر لوٹنے کے خط بھیجے گئے۔

ان کا کہنا تھا کہ خطوط روانہ کرنے کے لیے اس پرانے ڈیٹا بیس کا استعمال کیا گیا تھا جو پہلے ان فوجیوں سے رابطے کے لیے استعمال کیا جاتا رہا ہے اور غلطی سے نئے ڈیٹا بیس کا استعمال نہیں کیا گیا جس میں فوجیوں کے ناموں کو اپ ڈیٹ کردیا گیا تھا۔