اٹلی میں دائیں اور بائیں بازو کے سیاستدان عراق کے معزول صدر صدام حسین کی پھانسی پر اپنی ناپسندیدگی کا اظہار کر چکے ہیں

اقوام متحدہ میں اٹلی کے سفیر پہلے ہی اس سلسلے میں اقوام متحدہ کی جنرل اسمبلی سے گزشتہ ماہ پیش کی گئی ایک دستاویز کے از سر نو جائزے کا مطالبہ کر چکے ہیں۔ اٹلی اس ہفتے سلامتی کونسل کا غیر مستقل رکن منتخب ہوا ہے۔

وزیر اعظم پروڈی نے کہا کہ کوئی بھی جرم اس بات کا جواز فراہم نہیں کرتا کہ ایک انسان دوسرے انسان کو مار دے۔ انہوں نے کہا کہ تمام مذہب اور تہذیبیں یہی پیغام دیتی ہیں۔

اٹلی نے سزائے موت پر پابندی کے لیے اقوام متحدہ کی جنرل اسمبلی میں انیس سو چورانوے اور انیس سو پچانوے میں تجاویز پیش کی تھیں۔ گزشتہ سال جولائی میں اٹلی کی پارلیمان نے اپنی حکومت پر زور دیا کہ وہ ایک بار اس تجویز کو جنرل اسمبلی کے سامنے رکھے لیکن یورپی ارکان میں اختلافات کے باعث اس پر پیش رفت نہیں ہو سکی۔

اٹلی میں دائیں اور بائیں بازو کے سیاستدان عراق کے معزول صدر صدام حسین کی پھانسی پر اپنی ناپسندیدگی کا اظہار کر چکے ہیں۔