جارج بش نے رمسفیلڈ کی حمایت کی ہے

ان اخباروں کا کہنا ہے کہ ڈونلڈ رمسفیلڈ کی فوجی قیادت پر عوام، کانگریس اور فوجیوں کو اعتبار نہیں رہا۔

آرمی ٹائمز کے ایڈیٹر رابرٹ ہوڈیئرن نے وزیر دفاع پر مسلسل غلطیاں کرنے کا الزام بھی لگایا ہے۔ آرمی ٹائمز کے علاوہ ایئر فورس ٹائمز، نیوی ٹائمز اور مرین کور ٹائمز نے رمسفیلڈ کے استعفی کا مطالبہ کیا ہے۔

اسی ہفتے امریکی صدر جارج بش نے یہ واضح کیا ہے کہ ان کے دورِ اقتدار کے مکمل ہونے تک ڈونلڈ رمسفیلڈ ہی وزیر دفاع رہیں گے۔

دریں اثناء امریکی حکومت کے تین اعلیٰ اہلکاروں نے جنہوں نے پہلے جنگِ عراق کی حمایت کی تھی، اس پر شک کا اظہار کیا ہے کہ جنگ کیسے لڑی گئی۔

ایسے ہی ایک اہلکار رِچرڈ پرل نے وینیٹی فیئر نامی رسالے کو بتایا کہ عراق میں امریکی پالیسی تباہی میں تبدیل ہوگئی ہے۔

لیکن ایک دوسرے اہلکار اور جارج بش کے اسپیچ رائٹر ڈیوِڈ فرم نے کہا ہے کہ ان اہلکاروں کے بیانات کی ذرائع ابلاغ نے غلط تشریح کی ہے۔