 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
امریکی فوج کیلیئے بدترین مہینہ | ||||||||||||||||||||||||||||||||||||||||
وائٹ ہاؤس نے کہا ہے کہ عراق میں امریکی فوجیوں کی ہلاکتوں میں اچانک اضافے اور ایک دن میں گیارہ فوجیوں کے مارے جانے کے باوجود صدر بش اپنی عراق پالیسی تبدیل نہیں کریں گے۔ وائٹ ہاؤس کی طرف سے یہ بیان ایسے وقت آیا ہے جب بش انتظامیہ پر شدید دباؤ ہے کہ وہ عراق کی حکمتِ عملی کی ترتیبِ نو کرے۔ رائے عامہ کے مختلف جائزوں کے مطابق بش انتظامیہ کی مقبولیت میں توقع سے زیادہ کمی آئی ہے جس کا اہم سبب عراق جنگ ہے۔ گزشتہ دو برس کے دوران پہلی مرتبہ عراق میں مزاحمت کاروں سے برسرِ پیکار امریکی فوجیوں کی ہلاکتوں کی تعداد بہت زیادہ ہوگئی ہے اور صرف اکتوبر کے اٹھارہ دنوں میں ستر امریکی فوجی مارے گئے ہیں۔ گیارہ فوجیوں کی ایک دن میں ہلاکت صدر بش کے لئے کافی پریشان کن ہے۔
ان ہلاکتوں کے باعث بش انتظامیہ پر ایک بار پھر دباؤ بڑھ گیا ہے کہ وہ عراق میں مستقبل کی امریکی حکمتِ عملی ازسرِ نو ترتیب دے۔ یہ مطالبات ایسے وقت کیے جا رہے ہیں جب امریکہ میں تین ہفتے بعد وسطی مدت کے انتخابات ہونے ہیں۔ بی بی سی کے نامہ نگاروں کا کہنا ہے کہ بش انتظامیہ کی عراق کی حکمتِ عملی کی وجہ سے ڈیموکریٹ پارٹی کو یقین ہے کہ وہ ایک مرتبہ پھر کانگریس میں کنٹرول حاصل کر لے گی۔
صدر بش کے جہاز پر موجود نامہ نگاروں کے سوالوں کا جواب دیتے ہوئے ان کے ترجمان ٹونی سنو نے کہا کہ عراق میں امریکی فوجیوں کی ہلاکتوں میں اضافہ ہوا ہے لیکن پھر بھی صدر بش کی پالیسی تبدیل نہیں ہوگی۔ ٹونی سنو نے کہا: ’صدر بش کو امریکی جانوں کے زیاں پر گہرا دکھ ہے مگر ہماری حکمتِ عملی یہی ہے کہ ہمیں جیتنا ہے اور ہمیں اس فتح کی قیمت ادا کرنی ہوگی۔‘ اس سوال پر کہ آیا امریکہ عراق میں صورتِ حال کی بہتری کے لئے جیمز بیکر کے اس عندیے کا حامی ہے کہ ایران اور عراق دونوں سے مدد لی جائے، ٹونی سنو کا کہنا تھا امریکہ عراق میں دہشت گردی روکنے کی کوششوں میں ایران یا شام کی مدد کا خیر مقدم کرے گا۔ تاہم ان کا کہنا تھا کہ اس کے باوجود ان ممالک کے لئے امریکہ کے سفارتی موقف میں کوئی تبدیلی نہیں ہوگی۔
ادھر واشگٹن سے بی بی سی کے نامہ نگار نے بتایا ہے کہ عراق کا معاملہ اور بالخصوص عراق میں امریکی فوجیوں کی ہلاکتیں آئندہ ماہ ہونے والے درمیانی مدت کے انتخابات کی محور بن گئی ہیں۔ دو ہزار تین سے اب تک عراق میں تقریبا 2800 امریکی فوجی مارے جا چکے ہیں اور لوگوں میں جنگ کے تناظر میں جتنی مایوسی اب ہے اتنی پہلے نہیں تھی۔ رائے عامہ کے ایک جائزے کے مطابق دو تہائی امریکی جنگ کے خلاف ہو گئے ہیں اور خاص طور پر ان لوگوں نے صدر بش کی امریکی پالیسی کو نامنظور کر دیا ہے۔ |  اسی بارے میں  عراق: چودہ امریکی فوجی ہلاک03 August, 2005 | آس پاس عراق: پانچ امریکی فوجی ہلاک11 July, 2004 | آس پاس فلوجہ: دو امریکی فوجی ہلاک26 November, 2004 | آس پاس نجف جھڑپیں جاری، تین امریکی ہلاک22 August, 2004 | آس پاس میرین فوجیوں کیخلاف مقدمہ قتل26 September, 2006 | آس پاس افغانستان:4 امریکی فوجی ہلاک12 March, 2006 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
