ایمن الظواہری نےمسلمان پر مجاہدین کی مدد کرنے پر زور دیا

ان کا کہنا تھا کہ اس صلیبی ۔ صیہونی جنگ پر القاعدہ خاموش نہیں بیٹھ سکتی۔

القاعدہ کے نائب کا کہنا تھا کہ لبنان اور غزہ میں جو کچھ ہو رہا ہے اس نے افغانستان اور عراق میں کی جانے والی جنگ کی اہمیت کو واضح کر دیا ہے۔

ان کا کہنا تھا کہ ’تمام مسلمانوں کو اس وقت تک اس کی حمایت کرنی چاہیے جب تک کہ امریکی فوج انتہائی کمزور اور لاچار ہوکر واپس جانے پر مجبور نہ ہو جائے۔ انہیں مسلمانوں پر حملے اور اسرائیل کی مدد کرنے کی قیمت ادا کرنی پڑے گی’۔

ایمن الظواہری کا کہنا تھا کہ ’عراق کے فلسطین سے قریب ہونے میں فائدہ ہے اور مسلمانوں کو اس وقت تک مجاہدین کی حمایت کرنی چاہیے جب تک کہ وہاں ایک جہادی اسلامی ریاست نہیں بن جاتی تاکہ اسے پھر فلسطین کی سرحدوں تک لے جایا جا سکے’۔