السٹیر لاسن
بی بی سی نیوز |  |
| | | مسافروں کو اکثر ہوا میں زیادہ دیر تک رہنا پڑتا ہے |
بنگلہ دیش کی بیمان ائرلائن کی ڈھاکہ سے نیو یارک کی فلائٹ 001 میں مسافروں نے ائرلائن کا نعرہ ’آسمان میں آپ کا گھر‘ پورا ہوتے دیکھا۔ مسافروں کو اس وقت توقع سے زیادہ عرصے کے لیے ائرلائن کی مہمان نوازی سے ’لطف اندوز‘ ہونا پڑا جب جہاز کو امریکہ اترنے کی اجازت نہ ملی۔ امریکی حکام جہاز کی تکنیکی خرابیوں کی وجہ سے پریشان تھے جس کے باعث جہاز کا رخ کینیڈا کی طرف موڑنا پڑا۔ یہ واقعہ ائرلائن کے لیے ایک اور دھچکا ہے۔ | پرانا ڈی سی ٹین  ہم نیو یارک کی ہر فلائٹ پر اسی ہزار ڈالر کا خسارہ برداشت کر رہے ہیں جس کی وجہ ہمارا پرانا جہاز ڈی سی 10 ہے  ائر لائن کے وزیر فخر اسلام عالمگیر |
منگل کو ائرلائن نے کہا ہے کہ شاید وہ یورپ، امریکہ اور ایشیا کے دور کے ممالک کے لیے پروازیں معطل کر دے تاکہ خسارے پر قابو پایا جا سکے۔ بیمان کا غیر یقینی فلائٹ شیڈول، اس کے تیرہ پرانے جہازوں کی بری حالت، اس کا ضرورت سے زیادہ عملہ اور تیل کے پیسوں کی عدم ادائیگی ائرلائن کے چند بڑے مسائل ہیں۔ تجزیہ نگاروں کا کہنا ہے کہ سالوں کی بدعنوانی اور نااہل انتظامیہ نے ایسی صورتحال پیدا کر دی ہے کہ اب اس ائر لائن کا مستقبل مخدوش ہے۔ ائر لائن کے وزیر فخر اسلام عالمگیر نے کہا کہ ’ہم نیو یارک کی ہر فلائٹ پر اسی ہزار ڈالر کا خسارہ برداشت کر رہے ہیں جس کی وجہ ہمارا پرانا جہاز ڈی سی 10 ہے‘۔ حکومت کافی عرصہ سے ائرلائن کی کارکردگی بہتر کرنے کے اعلانات کرتی رہی ہے تاہم اب تک ایسا ممکن نظر نہیں آتا۔ | 
امریکی ادارہ بنگلہ دیش سے باہر
