ہیلی کاپٹر کے گرائے جانے کے بعد ہونے والے ہنگاموں میں پانچ عراقی مارے گئے ہیں۔

برطانوی ہیلی کاپٹر کے گرنے سے کم از کم چار برطانوی فوجیوں کے ہلاک ہونے کی تصدیق کی گئی ہے۔ پولیس کا کہنا ہے کہ ہیلی کاپٹر راکٹ لگنے سے تباہ ہوا اور اس کا ملبہ بصرہ شہر میں ایک گھر پر گرا ہے۔

بصرہ ہیلی کاپٹر حادثے کے بعد

بصرہ ہنگامے تصویروں میں

عراقی پولیس کا کہنا ہے کہ ان ہنگاموں میں دو بچوں سیمت پانچ عراقی ہلاک ہوئے ہیں۔

برطانوی فوج کا کہنا ہے کہ اس نے جوابی فائرنگ کی ہے۔ برطانوی ذرائع کا کہنا ہے ہلاک ہونے والی عراقی برطانوی فوجیوں کی فائرنگ سے نہیں بلکہ عراقیوں کے مارٹر فائر کرنے کی وجہ سے ہلاک ہوئے کیونکہ مارٹر ایسی جگہ گرا جہاں عراقی باشندے اکھٹے تھے۔

لیکن برطانوی ذرائع کے ان دعوؤں کی آزاد ذرائع سے تصدیق نہیں ہو سکی ہے۔

عراق میں بی بی سی کے نامہ نگار کا کہنا ہے کہ بصرہ برطانوی فوجیوں کے لیے محفوظ شہر نہیں رہا ہے جیسا کے پہلے تھا اور عراقی لوگوں اور برطانوی فوجیوں میں پہلے بھی کئی دفعہ جھڑپیں ہو چکی ہیں۔

	گلیوں میں دوڑتے اور ہوائی فائرنگ کرتے برطانوی فوجی