 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ایٹمی پروگرام نہیں رکےگا: ایران | ||||||||||||||||||||||||||||||||||||||||
ایران کے صدر احمدی نژاد نے ایک بار پھر ملک کے جوہری پروگرام کو روکنے سے انکار کر دیا ہے۔ ان کا یہ بیان بین الاقوامی جوہری ادارے کے سربراہ محمد البرادعی کی تہران آمد کے موقع پر آیا ہے جنہوں نے کہا تھا کہ وہ ایران کو مذاکرات کی راہ پر لانے کی کوشش کریں گے۔ ایران کے صدر نےکہا کہ ایران کا جوہری پروگرام پر امن مقاصد کے لیے ہے۔ البرادعی جمعرات کو ایرانی حکام سے ملاقات میں ملک کے جوہری پروگرام کے معاملےپر بات کریں گے۔ توقع کی جا رہی ہے کہ وہ ایرانی حکام سے سلامتی کونسل کی اس اپیل کو قبول کرنے کے لیے کہیں گے جس میں اس نے ایران کو جوہری پروگرام کو معطل کرنے کے لیے کہا ہے۔ اس کے علاوہ وہ ایران کے ساتھ اعتماد کی بحالی کے لیے اقدامات پر بھی بات کریں گے۔ محمد البرادعی کے ایران پہنچنے کے ایک روز پہلے ایران کے صدر نے اعلان کیا تھا کہ ایران یورینیم کو افزودہ کر کے ایٹمی صلاحیت رکھنے والے ملکوں کی فہرست میں شامل ہو گیا ہے۔ ایران پہنچنے پر بین الاقوامی جوہری ادارے کے سربراہ نے کہا تھا کہ وہ ایران کو قائل کرنے کی کوشش کریں گے کہ وہ حل طلب معاملات کے حل تک یورینیم کی افزودگی کو بند کر دے۔ چین کے انسداد اسلحہ کے بارے میں ایک اعلیٰ اہلکار بھی جمعہ کو تہران میں ایرانی حکام سے مل رہے ہیں۔ گزشتہ ماہ اقوامِ متحدہ کی سلامتی کونسل نے ایران کو اٹھائیس اپریل تک کی مہلت دیتے ہوئے اس سے کہا تھا کہ یورینیم کی افزودگی معطل کرے اور جوہری توانائی کے عالمی ادارے کی درخواست کی تعمیل کرتے ہوئے زیادہ تعاون اور خود کو مزید شفاف بنائے۔ محمد البرادعی نے اقوام متحدہ کی سکیورٹی کونسل کو اٹھائیس اپریل تک رپورٹ کرنا ہے کہ کیا ایران نے اقوام متحدہ کی تنبیہ پر کوئی عمل کیا ہے یا نہیں۔ محمد البرادعی کے ایران میں پہنچنے کے روز ایران کے جوہری پروگرام کے نائب سربراہ نے کہاہے کہ ایران یورینیم کی افزودگی کو بڑھانا چاہتا ہے اور وہ سینٹریفیوج کی موجودہ صلاحیت کو بڑھا کر 54000 ہزار تک لے جانا چاہتا ہے۔ |  اسی بارے میں  ایران سےشدید تشویش ہے: امریکہ 11 March, 2006 | آس پاس ایران: سلامتی کونسل کے حوالے08 March, 2006 | آس پاس ایران، سلامتی کونسل کی’میٹنگ‘15 March, 2006 | آس پاس ایران: انتہائی تیز رفتار تارپیڈو03 April, 2006 | آس پاس مذاکرات: برادعی ایران جائیں گے07 April, 2006 | آس پاس ایٹمی حملے کی امریکی تردید10 April, 2006 | آس پاس ’ایران پر ایٹمی حملہ زیر غور ہے‘11 April, 2006 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
