مغربی ممالک ایران پر ایٹمی ہتھیار بنانے کا الزام لگا رہے ہیں

ان میں دو بھارتی، چھ چینی اور دو آسٹریائی کمپنیاں شامل ہیں۔

وزارت خارجہ کے ترجمان نے بتایا کہ اب یہ کمپنیاں امریکی حکومت کے ساتھ کوئی بزنس نہیں کرسکیں گیں اور نہ ہی وہ امریکی کمپنیوں سے نئی ٹیکنالوجی خرید سکیں گیں۔

ان کمپنیوں پر پابندیاں سن دو ہزار میں منظور کیے جانے والے امریکی قانون ایران نان پروفلریشن ایکٹ کے تحت عائد کی گئی ہیں۔

امریکہ نے یہ قانون اس لیے بنایا تھا کہ ایران کے ایٹمی پروگرام کو ملنے والی عالمی ٹیکنالوجی پر روک لگائی جاسکے۔

حالیہ برسوں میں امریکہ ایران پر ایٹمی ہتھیار بنانے کا الزام لگاتا رہا ہے اور برطانیہ، جرمنی اور فرانس کی ایک مشترکہ سفارتی کوشش کے تحت ایران کے ایٹمی منصوبے کو روکونے کی کوششیں جاری ہیں۔

ایران ہمیشہ سے کہتا رہا ہے کہ اس کا ایٹمی پروگرام پرامن ہے اور اسے بین الاقوامی قوانین کے تحت ایٹمی منصوبہ جاری رکھنے کا حق حاصل ہے۔