زلزلے کے بعد بین الاقوامی امداد کے آنے میں کافی دیر ہوئی تھی

جب بھی کوئی قدرتی آفت آتی ہے اقوامِ متحدہ کو فنڈز کے لیے اپیلیں کرنا پڑتی ہیں۔ ایمرجنسی ریسپانس فنڈ سے ہنگامی اپیلوں کی ضرورت میں کمی آ جائے گی۔

یہ فنڈ جنوری میں لانچ کیا جائے گا اور مارچ تک یہ کام کرنا شروع کر دے گا۔

نامہ نگاروں کا خیال ہے کہ اس فنڈ کو زبردست سیاسی حمایت حاصل ہے لیکن کچھ خیراتی اداروں کا خیال ہے کہ اس سے لوگ انہیں نظر انداز کر سکتے ہیں۔

اس فنڈ کی ضرورت پاکستان میں زلزلہ زدگان کی مدد کے لیے کی جانے والی فنڈز کی اپیلوں کے کم ردِعمل پر ادارے کی تشویش کے بعد پیش آئی۔

ابھی تک زلزلہ زدگان کے لیے کی جانے والی اپیل کا آدھے سے بھی کم ملا ہے۔

اقوامِ متحدہ کے اہلکار اس فنڈ کو یک جہتی کا شو کہہ رہے ہیں۔

اس فنڈ سے نہ صرف آفت زدہ علاقوں میں فوری امداد پہنچائی جائے گی بلکہ شمالی یوگنڈ اور ڈی آر کونگو جیسی جگہوں کو درپیش انسانی مسائل کے حل کے لیے بھی فنڈز سے پیسے نکالے جائیں گے۔ یہ وہ مسائل ہیں جن کے متعلق امدادی ممالک امداد دینے میں ہچکچاتے ہیں۔