جون سمپسن بی بی سی ورلڈ افئیر ایڈیٹر، بغداد

	صدام نے کہا کہ وہ یہ اپنے خلاف ناروا رویے کی وجہ سے کر رہے ہیں

انہوں نے کہا کہ وہ یہ اپنے خلاف ناروا رویے کی وجہ سے کر رہے ہیں جسے انہوں نے ’دہشت گردی‘ کہا۔ انہوں نے کہا کہ انہیں گزشتہ تین دنوں سے مناسب صفائی کی سہولتیں اور صاف کپڑے نہیں دیے گئے ہیں۔

مقدمے کے جج بدھ کی صبح وکلاء صفائی سے ملے تاکہ کوئی درمیان کا راستہ نکالا جا سکے اور مسئلے کو حل کیا جائے۔

لیکن صدام کے عدالت میں نہ آنے کا یہ مطلب نہیں ہو گا کہ مقدمہ رک جائے گا۔

عراقی قانون کے مطابق مدعا علیہ کی جسمانی موجودگی کے بغیر بھی مقدمہ جاری رہ سکتا ہے۔

اس طرح کی سہولیات بھی آسانی سے مہیا کی جا سکتی ہیں کہ صدام حسین کسی دوسرے کمرے سے مقدمے کی کارروائی دیکھیں۔

کمرۂ عدالت میں کئی کلوز سرکٹ کیمرے لگے ہوئے ہیں جن سے پوری دنیا میں تصاویر نشر کی جاتی ہیں۔

اس طرح صدام حسین کے لیے بھی ممکن ہو گا کہ اگر وہ چاہیں تو کارروائی میں مداخلت کر سکتے ہیں اور وہ بھی اس وقت اگر سینیئر جج رزگر محمد امین نے اس کی اجازت دی تو۔

یہ بھی ممکن ہے کہ سینیئر جج امریکی سیکیورٹی حکام کو کہیں کہ صدام اور دوسرے افراد کی حالت میں ذرا نرمی لائیں۔ اگرچہ اس کی تصدیق نہیں ہو سکی۔

لیکن اس دن جب عدالت کے باہر پہرہ دینے والے ایک گارڈ کا بچہ اغوا کر لیا گیا ہو سکیورٹی میں دلچسپی سب سے زیادہ اہم رہے گی۔

اگر صدام عدالت میں نہیں آتے تو اس سے جج کی زندگی آسان ہو جائے گی لیکن اس سے صدام حسین کو کوئی فائدہ نہیں پہنچے گا اور نہ ہی وہ اپنے حمایتیوں اور نرم گوشہ رکھنے والوں کو مخاطب کر سکیں گے۔

ابتک بہت سے لوگوں ک یہ خیال تھا کہ صدام حسین نے عدالت میں اپنی حاضری کو کافی حد تک اپنے فائدے میں استعمال کیا ہے۔

انہوں نے اپنے پیروکاروں کو پیغام دیا کہ وہ عراق کے خلاف جنگ جارری رکھیں، انہوں نے بارہا 2003 کے عراق پر اتحادیوں کے قبضے کی مذمت کی، اور انہوں نے ان پر مقدمہ چلانے والی عدالت کی قانونی حیثیت پر سوالات اٹھائے۔

اس بات کے بہت قوی امکانات ہیں کہ صدام ایک مرتبہ پھر عدالت میں حاضر ہو جائیں گے کیونکہ اب تک کیمرہ ہی ان کا سب سے بڑا حمایتی رہا ہے۔