پولیس ترجمان کے مطابق ملک بھر میں پانچ سو گاڑیاں جلائی گئیں

انہوں نے ہنگامی بنیادوں پر کرفیو جیسے قوانین بنانے کا دفاع کرتے ہوئے کہا کہ اب انہوں نے سکیورٹی اداروں کو ان اقدام کا اختیار دے دیا ہے جن کی انہیں ضرورت تھی۔

جب انہوں نے یہ کہا کہ فرانس میں تمام شہری یکساں حقوق کا استحقاق رکھتے ہیں تو بظاہر ایسا محسوس ہوتا تھا کہ وہ عدم امتیاز کے تاثر کی تائید کر رہے ہیں۔

اس سے قبل پولیس کی طرف سے جاری کیے جانے والے بیان میں کہا گیا تھا کہ گزشتہ رات محض چند گاڑیوں کا نذرِ آتش کیا جانا ایک حوصلہ افزا بات ہے۔

پولیس کے ایک ترجمان نے دعویٰ کیا ہے کہ ملک بھر میں پانچ سو گاڑیاں جلائی گئی ہیں جو اتوار کی رات جلائی جانے والی چودہ سو کی تعداد میں مسلسل کمی ثابت کرتی ہیں۔

فرانس میں دو ہفتوں سے جاری یہ ہنگامے اس وقت پھوٹ پڑے تھے جب شمالی افریقہ سے تعلق رکھنے دو پندرہ اور سترہ سالہ نوجوان باؤنا تراؤرے اور زید بنا بجلی کی تاروں میں پھنس کر کرنٹ لگنے سے ہلاک ہو گئے۔

مقامی لوگوں کا کہنا ہے کہ وہ دونوں نوجوان پولیس سے بچ کر بھاگ رہے تھے جبکہ حکام نے اس بات کی تردید کی ہے اور اس واقعے کی تفتیش کا اعلان کیا گیا ہے۔ جب کے ہنگامہ آرائی کرنے والے مطالبہ کر رہے کہ پولیس اس واقعے پر معافی مانگے۔