اگر کسی کو ایریل کے نام سے بلایا جاتا رہے تو اس میں قہر و غضب ڈھانے کی خصوصیات پیدا ہو سکتی ہیں

ان ربیوں نے اسرائیلیوں سے کہا ہے کہ وہ اپنے بچوں کی ایسے نام نہ رکھیں جن کا کوئی حصہ یہ نام بھی ہوں کیونکہ یہ نام بدقسمتی کا باعث بن سکتے ہیں۔

ناموں کی اس فہرست میں اسرائیلی وزیراعظم ایریل شیروں اور ان کے بیٹے عمری کے نام بھی شامل ہیں۔

ان ربیوں کا کہنا ہے کہ اگر کسی کو ایریل کے نام سے بلایا جاتا رہے تو اس میں قہر و غضب ڈھانے والے فرشتے کی خصوصیات پیدا ہو سکتی ہیں اور عمری بابلی دور کے ایک شیطان صفت بادشاہ کا نام تھا۔

ربیوں کے اس گروہ نے اسرائیلیوں کو اپنے بچوں کی نام غزہ کی سابق آبادیوں کے نام پر بھی رکھنے سے منع کیا ہے۔

ان کا کہنا ہے کہ یہ اس لیے درست نہیں کہ اسی سال غزہ کا انخلاء اب تک بعض اسرائیلیوں کے لیے متنازع ہے۔

ناموں کی یہ فہرست ایک ویب سائٹ پر شائع کی گئی ہے۔ جس ویب سائٹ پر اسرائیلی اپنے سوالات پوسٹ کرتے ہیں اور ماہرین اور یہودی علماء ان کے جوابات دیتے ہیں۔

مثلاً ایک خاتون نے اس ویب سائٹ پر یہ سوال کیا کہ ’جب میری بیٹی ہوئی تو میں نے اس کا نام رونی رکھا اور ہم اسے رونی پکارتے رہے لیکن مجھے کبھی بھی اسے رونی پکارنے سے سکون نہیں ملا‘۔

اس خاتون نے مزید لکھا کہ ’اس کے بعد میں خواب دیکھا جس کے ذریعے مجھے بشارت ہوئی کے اسے رونی پکارنا ٹھیک نہیں۔ اب مجھے کیا کرنا چاہیے؟‘

ویب سائٹ پر اس کا مختصر جواب یہ دیا گیا: ’نام تبدیل کر دو‘۔

رابیوں نے یہودیوں کو غیر یہودی نام رکھنے سے بھی منع کیا ہے۔