ایشیا میں کئی لوگ برڈز فلو کا شکار ہو چکے ہیں

امریکی صدر نے کہا کہ امریکہ کو برڈ فلو سے خطرہ ہے اور یہ منصوبہ برڈ فلو سے بچنے کے لیے بہت اہم ہے۔

امریکہ میں سائنسدانوں نے کہا ہے کہ اس بات کے شواہد ملے ہیں کہ برڈ فلو کی بیماری ایک انسان سے دوسرے انسان کو لگ سکتی ہے اور یہ وبا کی طرح پھیل سکتی ہے۔

امریکہ دو اعشاریہ اٹھ بلین ڈالر سے برڈ فلو سےبچنے کے لیے ویکسین تیارکرے گا۔

سائنسدانوں نے خبر دار کیا ہے کہ برڈز فلو کی ایک انتہائی خطرناک وبا بن سکتی ہے جس سے کروڑوں لوگ ہلاک ہو سکتے ہیں۔

ابھی تک یہ بیماری جانوروں سے انسانوں کو لگتی رہی ہے۔ برڈ فلو وائرس جو ایچ فائیو این ون کا نام سے جانا جاتا ہے، سے 1997 سے اب تک 47 افراد ہلاک ہو چکے ہیں۔

سائنسدانوں نے کہا کہ اس وبا کی شدت کے بارے میں کوئی صیح اندازہ لگانا ممکن نہیں ہے۔ انہوں نے کہا کہ یہ 1968 فلو وبا کی طرح بھی ہو سکتی ہے جس میں دس لاکھ لوگ ہلاک ہوئے تھے۔

سائنسدانوں کے مطابق برڈ فلو 1918 میں آنی والی فلو وبا کی طرح شدید بھی ہو سکتی ہے جس میں پانچ کرورڑ لوگ ہلاک ہو گئے تھے۔