ایشیا میں کئی لوگ برڈز فلو کا شکار ہو چکے ہیں

چینی خبر رساں ادارے زینوا نے اطلاع دی ہے کہ چینی حکومت نے ان ممالک کے لوگوں کی چین میں آمد پر پابندی لگا دی ہے جہاں برڈ فلو کی بیماری پھیلی ہوئی ہے۔برڈ فلو وائرس ایچ فائیو این ون کا نام سے جانا جاتا ہے۔

چین اور دوسری کئی ممالک میں 2003 سے لے کر ابتک 53 لوگ برڈ فلو کی وجہ سے ہلاک ہو چکے ہیں۔

چین کی وزارت زراعت کے اعلان کے مطابق مغربی صوبے کوینگائی میں برڈ فلو سے متاثرہ کچھ مردہ پرندے ملے ہیں جو برڈ فلو کی وجہ سے ہلاک ہوئے تھے۔

حکومت نے لوگوں کو کہا ہے کہ وہ برڈ فلو پر نظر رکھیں اور اس کو روکنے کے لیے ہر ممکن اقدام کریں۔

چینی حکومت نے کہا ہے کہ عوام کو پریشان ہونے کی ضرورت نہیں ہے۔

ایک حالیہ تحقیق میں ایک امریکی سائنسدانوں نے کہا ہے کہ اس بات کے شواہد ملے ہیں کہ برڈ فلو کی بیماری ایک انسان سے دوسرے انسان کو لگ سکتی ہے اور یہ وبا کی طرح پھیل سکتی ہے اور یہ خدشہ بھی ظاہر کیا گیا ہے کہ یہ 1968 فلو وبا کی طرح بھی ہو سکتی ہے جس میں دس لاکھ لوگ ہلاک ہوئے تھے۔

1918 میں برڈ فلو کی وجہ سے آنے والی وبا میں پانچ کرورڑ لوگ ہلاک ہو گئے تھے۔

ٰ