رفیق حریری کے قتل نے لبنان کی سیاست میں تہلکہ مچا دیا تھا

اقوامِ متحدہ میں بی بی سی کی نامہ نگار سوزانہ پرائس کے مطابق اس رپورٹ کا بڑے عرصے سے انتظار کیا جا رہا تھا۔ رپورٹ میں کہا گیا ہے کہ رفیق حریری کا قتل کسی ایسے گروہ نے کیا ہے جس کے پاس بے پناہ ذرائع اور ایک وسیع تنظیم ہے۔

رپورٹ کے مطابق کئی شواہد اشارہ کرتے ہیں کہ قتل میں شام کے سکیورٹی اہلکار شامل تھے۔

یاد رہے کہ یہ بات ڈھکی چھپی نہیں ہے کہ لبنان میں شام کی فوجی انٹیلیجنس کافی تعداد میں موجود ہے۔

رپورٹ میں یہ بھی کہا گیا ہے کہ قتل کا منصوبہ کئی مہینے پہلے بنایا گیا تھا۔

شابق وزیرِ اعظم کے قتل نے لبنان کی سیاست میں تہلکہ مچا دیا تھا اور سب انگلیاں شام کی طرف اٹھ رہی تھیں۔

رپورٹ میں یہ بھی کہا گیا ہے کہ قتل کی تحقیقات ابھی مکمل نہیں ہوئی اور مزید کچھ عرصہ جاری رہیں گی۔