برطانوی فوجی مارک کوولی نے ایک عراقی قیدی کو فورک لفٹ سے باندھ کر ہوا میں لٹکائے رکھا

فوجی عدالت نے یہ فیصلہ ڈیڑھ سال کی سماعت کے بعد کیا ہے۔ بدسلوکی کے یہ واقعات اس وقت رونما ہوئے تھے جب مئی دو ہزار تین میں ان افراد کو لوٹ مار کرنے والوں کے خلاف کیے جانے والے آپریشن کے دوران گرفتار کیا گیا تھا۔

ان میں سے ایک لینس کارپرل مارک کوولی نے ایک عراقی قیدی کو فورک لفٹ سے باندھ کر ہوا میں لٹکائے رکھا ۔

جب کہ ایک اور فوجی ڈیرن لارکن نے ایک عراقی قیدی پر کھڑے ہونے کے الزام کا اعتراف کیا۔

ان فوجیوں کے سیکشن کمانڈر ڈینیل کینین پر یہ الزام ثابت ہوا ہے کہ انہوں نے برطانوی فوجیوں کو ایک عراقی قیدیوں سے بد سلوکی پر اکسایا اور جب یہ بد سلوکی ہوئی تو اس کی اطلاع دینے میں ناکام رہے۔

ان تین فوجیوں کی سزا جمعہ سے شروع ہو گی۔

عراقی شہریوں سے بدسلوکی کا یہ واقعہ جنبی عراق کے شہر بصرہ میں میں پیش آیا تھا۔

اس سلسلے میں ایک اور برطانوی فوجی گیری باٹلیم کو ان واقعات کی تصاویر اتارنے کے الزام میں اٹھارہ ماہ کی قید سنائی گئی ہے۔

ملٹری جج کا کہنا ہے کہ اس نے برطانوی آرمی کی ساکھ کو نقصان پہنچایا ہے۔