جنوبی عراق میں تقریباً آٹھ ہزار برطانوی فوجی تعینات ہیں

رائیل ملٹری پولیس کی خصوصی تحقیقاتی برانچ کی34 سالہ سارجنٹ ڈینس روس اتوار کے دن بصرہ کے ایک فوجی کیمپ میں مردہ پائی گئیں انہیں گولی مار کر ہلاک کیا گیا تھا۔
وزارت دفاع کا کہنا ہے کہ معاملے کی تحقیقات کی جا رہی ہے لیکن ایسا نہیں لگتا کہ ان کی موت کسی کارروائی کے دوران ہوئی ہو۔

ڈینس روس کی موت کے ساتھ عراق میں ہلاک ہونے والے برطانوی فوجیوں کی تعداد 70 ہو گئی ہے

مارچ دو ہزار تین میں عراقی لیڈر صدام حسین کو اقتدار سے ہٹانے کی مہم شروع ہونے کے بعد سے 31 برطانوی مرد فوجی جنگ کے دوران ہلاک ہوئے جبکہ سات دوستانہ فائرنگ کے واقعات میں ، 31 حادثات کا شکار ہوئے ، دو دھماکوں میں اور پانچ کی قدرتی موت ہوئی۔