چارلس گارنر ٹیکساس کی عدالت میں حاضری کے لیے جا رہے ہیں

انہیں فوج سے نکالنے کا بھی حکم دے دیا گیا ہے۔

ان کو یہ سزا ٹیکساس میں ایک فوجی عدالت نے دی جو ابھی تک دی گئی سزاؤں میں سب سے سخت سزا ہے۔

اس سے قبل چارلس کلارک نے عدالت سے اپیل کی تھی کہ ان کی سزا میں نرمی کی جائے۔ انہوں نے کہا کہ وہ صرف اوپر سے آئے ہوئے احکامات کا پاس کر رہے تھے۔

چھتیس سالہ چارلس گارنر پر مقدمے کی کارروائی کے دوران عدالت کو بتایا گیا کہ اس نے عراقی قیدیوں پر محض تفریح کی خاطر تشدد کیا۔

چارلس گارنر نے اپنے خلاف لگائے گئے پانچ الزامات سے انکار کیا تھا اور ان کے وکیل کا کہنا تھا کہ ان کا موکل صرف احکامات کی تعمیل کررہا تھا اور اس نے کئی بار اپنے اعلیٰ افسروں سے اس بارے میں شکایت کی تھی۔

مقدمے کی سماعت کے دوران وکیل استغاثہ نے عدالت کو بتایا کہ چارلس گارنر نے قیدیوں پر تشدد اپنے مخصوص اور گِرے ہوئے جنسی مزاح کی تسکین کے لیے کیا جبکہ وکیل دفاع کا کہنا تھا کہ ان کے موکل نے اس کو دی گئی اُن ہدایات پر عمل کیا جن کا مقصد قیدیوں سے موثر طریقے سے تفتیش کرنا تھا۔

ابو غریب جیل میں تشدد کے واقعے میں مزید دو گارڈز کے خلاف مقدمہ چلایا جانا ہے جبکہ ایک تیسری فوجی لِنڈی انگلینڈ کے خلاف بھی عدالتی کارروائی کی جانی ہے جس نے پچھلے سال ایک بچے کو جنم دیا ہے جو مبینہ طور پر چارلس گارنر کا ہے۔

ابو غریب میں قیدیوں سے کی جانے والی مبینہ بدسلوکی کی بنا پر چار فوجیوں کو سزا سنائی جا چکی ہے جب کہ تین کے خلاف سماعت ہونا ابھی باقی ہے۔