پہلے ایک اخبار الزامات کے بعد مافی مانگ چکا ہے

برطانیہ کے اخبار ’دی گارڈین‘ کی ایک رپورٹ کے مطابق برطانوی فوجیوں نے فوجی کارروائی کے دوران مارے جانے والے عراقی جنگجوؤں کی لاشوں کے ساتھ یہ نازیبا سلوک کیا تھا۔

اخبار کے مطابق یہ الزامات ایک عراقی ہسپتال کی طرف سے جاری کیے جانے والے موت کے سرٹیفیکیٹس کے حوالے سے لگائے گئے ہیں۔

مجر الکبیر کے قریب عمارہ کے ہسپتال میں لڑائی میں ہلاک ہونے والے بائیس مزاحمت کاروں کی لاشیں لائی گئی تھیں۔

اخبار کے مطابق سات سرٹیفیکیٹس میں تحریر تھا کہ برطانوی فوج کی طرف سے مہیا کی جانے والی لاشوں کی بے حرمتی کی گئی تھی اور ان پر تشدد کے نشانات تھے۔

عراق میں تعینات برطانوی فوج کے ایک ترجمان نے الزامات کو بے بنیاد اور فوج کی تضحیک کہا ہے۔