آنجہانی رونلڈ ریگن کی بیوہ نینسی ریگن تابوت کا احری لمس محسوس کر رہی ہیں

ان کے جسدِ خاکی کو واشنگٹن میں سرکاری رسومات کے بعد نجی تدفینی رسومات اور تدفین کے لیے واپس کیلیفورنیا لایا گیا تھا۔ جہاں انہیں لاس اینجلس کی صدارتی لائبریری کے میدان میں سپردِ خاک کیا گیا۔

پہاڑی کی چوٹی پر ان کے جسم کو پورے فوجی اعزاز کے ساتھ اس وقت قبر میں اتارا گیا جو سورج غروب ہو رہا تھا، تدفین کی آخری فوجی رسم کے طور پر اکیس توپوں کا سلامی دی گئی۔

اس آخری نجی تقریب میں ان کی اہلیہ نینسی ریگن، ان کے بچے اور اہلِ حانہ کے علاوہ دوست اور اخباب شریک ہوئے۔

اس سے پہلے واشنگٹن میں آخری سرکاری رسومات کے بعد ان کے جنازے کی ایک قافلے کی صورت میں کیلیفورنیا لایا گیا۔

قبل ازیں واشنگٹن کے نیشنل کتھیڈرل میں آخری رسومات ادا کی گئیں۔
ان کی آخری رسومات میں امریکہ اور دنیا کے دوسرے ممالک کے رہنماؤں نے شرکت کی جن میں برطانیہ کی سابق وزیرِ اعظم مارگریٹ تھیچر بھی شامل ہیں۔

مارگریٹ تھیچر نے رونلڈ ریگن کو خراجِ تحسین پیش کرتے ہوئے کہا کہ ’ صدر ریگن نے سرد جنگ کے فاتح تھے اور انہوں نے یہ جنگ کوئی گولی چلائے بغیر جیتی۔‘

ان کا کہنا تھا کہ ’انہوں نے مخالفوں کو ان کے قعلوں سے باہر نکالا اور انہیں اپنے دوستوں میں تبدیل کر لیا۔ ہم ایک عظیم صدر، ایک عظینم امریکی اور ایک عظیم انسان سے محروم ہو گئے ہیں اور نے ایک ذاتی دوست کھو دیا ہے۔‘
صدر بش نے کہا کہ ریگن امریکہ کے لیے استقامت کی ایک مثال تھے۔‘

ان کی آخری سرکاری رسومات میں میخائل گورباچوف، اور چار سابق امریکی صدر شریک ہوئے۔