 |  بغداد کے قریب باغیانہ کارروائیاں جاری |
عراق میں جنگجوؤں کے ہاتھوں چار فوجی ٹھیکیدار ہلاک ہوئے ہیں جبکہ ایک علیحدہ واقعہ میں پانچ امریکی فوجی ایک بم حملے میں ہلاک ہو گئے ہیں۔ اتحادی فوجی اس وقت ہلاک ہوئے جب بغداد کے مغرب میں فوجیوں کی ایک گاڑی کو بم سے اڑا گیا۔ کہا جاتا ہے کہ عراق میں اتحادی افواج کے لیے خاصے دنوں بعد یہ ایک خوں آشام دن تھا۔ امریکی اور اتحادی دستوں کی مخالفت کے اہم مرکز فلوجہ شہر میں پیش آنے والے ایک علیحدہ واقعہ میں باغیوں نے دوگاڑیوں پر گھات لگا کرفائرنگ کی اور گاڑیوں کی نذرآتش کردیا۔ جس کے نتیجے میں چار افراد ہلاک ہو گئے۔ بتایا گیا ہے کہ یہ لوگ ٹھیکیدار تھے اور امریکی فوج کے کیے کام کرتے تھے۔ ہلاک ہونے والے ان لوگوں کی قومیتی شناخت نہیں بتائی گئی۔ بتایا گیا ہے کہ ہلاک شدگان کی نعشوں کو ایک ہجوم کے سامنے گھسیٹا گیا اور دو کی نعشوں کو ایک پل سے لٹکا دیا گیا۔ کہا جاتا ہے کہ ٹھیکیداروں کو ان کی گاڑی ہی میں نذرِ آتش کر دیا گیا۔ گاڑی میں موجود افراد کی جلی ہوئی مسخ لاشیں بمشکل باہر نکالی گئیں۔ امریکی ترجمان نے اس حملے کی تصدیق کر دی ہے التبہ انہوں نے یہ واضح نہیں کیا کہ ہلاک ہونے والوں کا تعلق کس ملک سے تھا۔ اطلاعات کے مطابق فلوجہ میں پیش آنے والے ایک علیحدہ واقعہ میں باغیوں نے دو گاڑوں پر فائرنگ کی جس کے نتیجے میں کئی افراد ہلاک ہو گئے ہیں۔ | 
یہ صفحہ دوست کو ای میل کیجیئے
پرِنٹ کریں
