یہ صفحہ دوست کو ای میل کیجیئے		پرِنٹ کریں

بغداد کے قریب امریکی فوجیوں کا پہرہ

عراقی دارالحکومت بغداد کے شمال میں دو امریکی فوجی ہلاک اور دو زخمی ہو گئے ہیں۔

ایک امریکی فوجی ترجمان نے کہا کہ یہ دو فوجی علیحدہ علیحدہ واقعات میں بلاد کے قصبے کے قریب ہلاک ہوگئے۔

یہ تازہ ترین ہلاکتیں ایک ایسے وقت پیش آئی ہیں جب امریکہ نے صدام کے آبائی شہر تکریت میں بقول اس کے ’صدام کے حامیوں‘ کے خلاف کارروائی تیز کر دی ہے۔ امریکیوں کا کہنا ہے کہ اب تک ایسے چھ شدت پسند ہلاک اور ان کے کئی ٹھکانے تباہ کئے گئے ہیں۔

امریکی کارروائی کے بارے میں عراق میں اعلیٰ برطانوی نمائندے جیرمی گرین سٹاک نے کہا ہے کہ حالانکہ طاقت کا مظاہرہ کرنا ضروری ہے لیکن سلامتی کی خطرناک صورت حال سے نمٹنے کے لئے ایک جامع لائحہ عمل کی ضرورت ہے۔